QR Tūŋǧyş Prezidentı N.Nazarbaev daryndy balalardy anyqtauǧa jäne jastardy qoldauǧa erekşe köŋıl böledı. Elbasynyŋ «El Ümıtı» jobasy 2019 jyldan berı jüzege asyryluda. Joba aiasynda osy jyldyŋ qazan aiynan bastap bükıl el boiynşa «Qabilet» qyzmetı ıske qosylady.
Bırınşı kezeŋde jobaǧa 10-11 jastaǧy oquşylar qatysa alady. Kelesı kezeŋderde jasöspırım balalar qamtylady.
Testıleuden Elbasy Akademiiasynyŋ «qabilet.elbasyacademy.kz» saityna tırkelıp, jeke kabinet arqyly ötedı. Sondai-aq, «Daryn» öŋırlık ortalyǧynyŋ (Şymkent qalasy, Tynybaev, 49) bazasynda oflain jüzege asyrylady. Qyzmet oquşyǧa qoljetımdı bolu üşın tegın ūsynylady. Saitqa kez kelgen qūrylǧylarmen kıruge bolady.
Testıleu qorytyndysy boiynşa qatysuşy qabılettılık nätijelerıne taldau alady. Sondai-aq, äleuettı damytu boiynşa konsultasiialyq qoldau men ūsynymdar berıledı.
Testter ziiatkerlık, kommunikativtık jäne joǧary akademiialyq jetıstıkterı bar balalardy anyqtauǧa, olardy ärı qarai süiemeldeuge arnalǧan.
Qiyndyq tuyndaǧan kezde 8 800 080 48 48 telefon nömırıne habarlasuǧa bolady.
Call ortalyq saǧat 9.00-18.00 aralyǧynda jūmys ısteidı. Qoŋyrau şalu tegın.
Şymkent qalasynyŋ Aqparattyq-kommunikasiialyq ortalyǧy
