El täuelsızdıgınıŋ 30 jyldyǧyna orai, Abai audany äkımdıgınıŋ ūiymdastyruymen audannyŋ damuyna üles qosyp, san türlı salada tūraqty qyzmet etken eŋbek ardagerlerı toby kielı Türkıstan qalasyna saiahattap keldı.
Topta audandyq Ardagerler keŋesı müşelerı, bastauyş ardagerler üiınıŋ basşylary men tyl ardagerlerınen qūralǧan 45 ardager boldy. Olar köne Otyrar jerındegı, Arystan bab kesenesınde bolyp, arnaiy ziiarat jasady.
Sonymen qatar, oblys ortalyǧy bolǧaly körkeiıp, äsem qūrylystar jürgızıp jatqan, tanymastai özgergen, äsem şaharǧa ainalǧan Türkıstan qalasyndaǧy Qoja Ahmet Iаssaui kesenesıne de ziiarat etıp, tanymal ortalyq «Keruen-sarai» köpfunksionaldy turistık keşenın de aralady.
Ardagerler saiahat barysynda ūmytylmastai äser alǧandyqtaryn aita kele, audan äkımdıgıne öz rizaşylyqtaryn bıldırıp, batalaryn berdı.
Şymkent qalasynyŋ Aqparattyq-kommunikasiialyq ortalyǧy
