Adam qūqyqtaryn tolyq qorǧau memlekettıŋ basty maqsattarynyŋ bırı

Qazaqstan Täuelsızdıgınıŋ 30 jyldyǧy qarsaŋynda, Şymkent qalasynyŋ ışkı saiasat jäne jastar ısterı jönındegı basqarmasynyŋ ūsynysy boiynşa «Şyǧarmaşyl jastar» QB ūiymdastyruymen «Ädılettı qoǧam jäne tiımdı memleket» taqyrybyndaǧy kezdesu öttı. Kezdesude joba kordinatory "Şaŋyraq" QB basşysy Sabira Baizahova, zaŋ ǧylymdarynyŋ doktory Ermek Bekbosynov arnaiy söz söiledı. Sonymen qatar, «Meiırım» qoǧamdyq bırlestıgınıŋ müşelerı, Abai audanynyŋ ardagerler keŋesınıŋ töraǧalary men ziialy qauym ökılderı, tyl ardagerlerı, audannyŋ belsendı azamattary sūraq jauap ötkızıp, pıkır almasty. - Memleket basşysy Qasym-Jomart Toqaevtyŋ «Täuelsızdık bärınen qymbat» maqalasyndaǧy basty ūǧym – ädılettılık. Qazırgı taŋda barlyq küş-jıgerımızdı tiımdı memleket pen ädılettı qoǧam qūruǧa jūmyldyrudamyz. Barşamyzdyŋ ortaq maqsatymyz - azamattardyŋ äleumettık köŋıl-küiın jaqsartyp, äl-auqatyn arttyru , - dedı "Şaŋyraq" QB basşysy Sabira Baizahova. Söz soŋynda azamattardyŋ taŋdau erkındıgın barynşa qamtamasyz etu, adam qūqyqtaryn tolyq qorǧau memlekettıŋ basty maqsatynyŋ bırı bolyp qala beretının atap öttı.