Úshinshi megapolıste táýelsizdiktiń 30 jyldyǵy qarsańynda Shymkent qalalyq mádenıet, tilderdi damytý jáne arhıvter basqarmasynyń uıymdastyrýymen túrli is-sharalar ótkizilýde. Solardyń biri Shymkent qalalyq qýyrshaq jáne jasóspirimder teatrynyń ártisteri «V gostıah ý skazkı» atty qoıylymyn balalarǵa usyndy.
Teatr ártisteri birneshe balabaqsha men mektepterge baryp, qyzyqty, ári tárbıelik mańyzy bar qoıylymdaryn jas kórermenderine arnady.
Atap aıtar bolsaq, «A-Aınalaıyn» balabaqshasynda jas kórermender teatr repertýarynyń úzdik qoıylymdarynyń biri dostyq pen tatýlyqqa qurylǵan M. Abaı-Dildániń «Týǵan kún» ertegisin tamashalady. Al qalalyq «Arnaýly mektep-ınternatynda» oqýshylar qaıyrymdylyq is - shara negizinde órt qaýipsizdigi men jol erejelerine arnalǵan Á. Faızýllauly «Órt» ertegisi, sonymen qatar, teatr sahnasynda A. Malıýchenko «Hvastýnıshka» ertegisi kórsetildi.
Sonymen birge «Aqzııa» balabaqshasynda qoıylǵan S.Altaevtyń «Kóńildi kóbelekter» atty qoıylymynda kóbelekterdiń óz dástúrli ómirin saqtap, óz tirshiligin qorǵaý úshin, sıqyrly ári jaǵymsyz keıipker Eıben jibergen zulymdyqtyń bárin jeńip shyǵýy qatty áser qaldyrdy.
Balalar búgingi qyzyqty ertegilerdi kóre otyryp, ózderi de ertegi áleminde júrgendeı sezinip, demalyp qaıtty.
Jalpy, teatr ujymynyń paıymdaýynsha tárbıelik mańyzy bar úzdik qoıylymdar jas búldirshinder men oqýshylardyń jaqsylyq pen jamandyq, ádilet týraly alǵashqy kózqarastaryn qalyptastyrýǵa yqpal etedi.
Shymkent qalasynyń Aqparattyq-kommýnıkaııalyq ortalyǵy
