AQŞ barlau qyzmetı europalyq odaqtastarǧa Reseidıŋ Ukrainada soǧys qimyldaryn bastauyna jol bermeuge "az ǧana uaqyt" qalǧanyn eskerttı, dep habarlaidy The New York Times aqparat közderıne sılteme jasap.
Basylymnyŋ jazuynşa, Resei "Ukraina şekarasynda jinalǧan" äskerlerımen ne ısteitının älı şeşpegen. Degenmen AQŞ barlau qyzmetkerlerı "şapqynşylyq" qaupın baiyppen qabyldaidy jäne ony blef dep sanamaidy.
Osyǧan bailanysty The New York Times AQŞ europalyq elderdı Mäskeudı tejeu üşın ekonomikalyq jäne äskeri şaralar paketın äzırleude yntymaqtastyqqa itermelep otyrǧanyn jazdy. Atap aitqanda, AQŞ Ūlttyq barlau basqarmasynyŋ basşysy Evril Heins osy aptada Briusselge bardy, Vaşington da Ukrainamen barlau mälımetterın bölıstı.AQŞ şeneunıkterı odaqtastaryna Resei bilıgı Fransiia men Germaniia 2014 jyly Qyrym Reseidıŋ qūramyna engennen keiın jäne Ukrainanyŋ şyǧysynda qaruly qaqtyǧys bastalǧannan keiın bastaǧan beibıt üderısten köŋılı qalǧanyn aitty. Bırqatar būrynǧy AQŞ şeneunıkterınıŋ pıkırınşe, Mäskeu moiyndalmaǧan Donbass pen Qyrym respublikalary arasynda qauıpsız qūrlyq dälızın ūsynuy mümkın.
Aita ketu kerek, biylǧy qazan aiynyŋ soŋynan berı BAQ Reseidıŋ Ukrainanyŋ şekarasynda äskeri küşterın jinaqtap jatqany turaly habarlai bastady.Al Politico gazetı sputnikten tüsırılgen suretterdı jariialady. Olar Ukrainanyŋ şekarasynan 250 şaqyrymdai jerde Smolensk oblysyndaǧy Elnia qalasynyŋ maŋynda Resei qaruly küşterınıŋ tankterınıŋ jinaqtalǧan jerın tüsırıp alǧan.
"Adyrna" ūlttyq portaly.
