Şymkentte zaŋsyz qaru alyp jürudıŋ 19 jaity anyqtaldy

Aǧymdaǧy jyldyŋ 21-şılde men 20-tamyz aralyǧynda Şymkent qalasynda «Qaru» jedel-profilaktikalyq ıs-şarasy ötkızılude.

Is-şaranyŋ basty maqsaty – azamattyq qaru ainalymy salasyna tiımdı memlekettık baqylaudy jüzege asyru. Būl boiynşa qaru ielerı, sondai-aq aŋşy dükenderı, küzet agenttıkterıne tekseru jürgızılıp jatyr. Nätijesınde, bügıngı künge deiın 3323 qaru ielerın tekserdı. 44 qūqyqbūzuşylyq anyqtaldy. 5 qaru jäne 2 oq därı tärkılenıp alyndy. Anyqtalǧan kemşılıkter boiynşa tiıstı äkımşılık jauapkerşılıkke tartylady. Is-şara barysynda otty atys qaruyn, oq-därı jäne suyq qarudy zaŋsyz alyp jürudıŋ 19 jaity anyqtaldy. Aita ketetın aqparat, «Qaru» jedel-profilaktikalyq ıs-şarasy 2021 jyldyŋ 20-tamyzyna deiın jalǧasatyn bolady.