Almaty oblysy, Myŋbaev auyly maŋyndaǧy Knijevskaia su qoimasynda böget jaryldy. Şamamen sudyŋ tasu kölemı sekundyna 30 tekşe metr, dep habarlaidy "Adyrna" ūlttyq portaly.
- 21 qaraşa künı saǧat 23:13-te oblystyq TJD qyzmetıne Almaty oblysy Jambyl audany Myŋbaev auyly maŋyndaǧy su bögetınıŋ būzylǧany turaly habarlandy. Bögette 4,47 million kubometr su qory bar. 5-6 metr bolatyn jaryqtan sekundyna 30 kubometr su ketude, —dep mälımdedı TJM resmi ökılı Talǧat Uäli.
TJM mälımetınşe, arna būzǧan aǧyn su Qarǧaly özenıne qūiylyp, ärı qarai Ile audanyndaǧy Kürtı su qoimasyna baryp qosylady. Kürtı su qoimasynda şamamen 120 million kubometr su bar.
Qūdai saqtap, tasqynnan zardap şekkender men kısı şyǧyny joq. Aǧyn su oblystyq deŋgeidegı Myŋbaev-Qasymbek tas jolyn şaiyp ketken. Qazır oqiǧa ornyna polisiia beketterı ornatyldy.
- Aǧyn sudyŋ aryny basyldy. Qarǧaly özenın jaǧalap ötu joldary jasalyp jatyr. Äzırge maŋaidaǧy eldı mekenderdı su basu qaupı joq, — deidı Talǧat Uäli.
Oqiǧa ornynda oblystyq TJD basşysynyŋ basqaruymen TJM qūtqaru qyzmetınıŋ qūramy men jergılıktı atqaru organy mamandary jäne basqa da memlekettık qyzmetkerler jūmys ıstep jatyr. Jedel ştab jasaqtaldy.
"Adyrna" ūlttyq portaly
