Densaulyq saqtau vise-ministrı Şymkenttegı medisinalyq mekemeler jūmysymen tanysty

QR Densaulyq saqtau vise-ministrı Ajar Ǧiniiat Şymkenttegı medisinalyq mekemelerdı aralady, dep habarlaidy QazAqparat tılşısı. Vise-ministr qala äkımı Mūrat Äitenovpen bırge ındetke qarsy kürestıŋ nätijelerın talqylap situasiialyq ştabtyŋ jūmysymen tanysty. Halyqqa körsetılıp jatqan medisinalyq kömek jönınde jäne maman tapşylyǧyn joiudaǧy bastamalar turaly sūrastyrdy. Sonymen qatar, ministrdıŋ orynbasary Densaulyq salasyndaǧy ahual jönınde onlain-jinalys ötkızıp qatardaǧy qarapaiym qyzmetkerlerdıŋ pıkırın bıldı. Ajar Ǧiniiattyŋ aituynşa, Şymkentte 5 aptanyŋ ışınde auruhanalardaǧy emdeluge arnalǧan jatyn oryndardyŋ jüktemesı 60 paiyzǧa deiın tömendegen. Onyŋ ışındegı jansaqtau bölımındegı oryndar 66 paiyzǧa azaiǧan. Pandemiiaǧa jäne engızılgen qataŋ karantindık şaralarǧa bailansty därıgerler nauqastardyŋ üiıne baryp qyzmet jasady. Respublika boiynşa mobildı brigadalardyŋ sany 7,6 esege köbeiıp qazırgı uaqytta jalpy sany 3640-ty qūrady. Şyment qalasynda 211 brigada jūmys ıstep tūr. Mobildı brigadalar 5 myŋnan astam halyqty qamtydy. Şymkent qalasy 5,0 körsetkıştı qūrady. «Emhanalardyŋ, jedel-järdemnıŋ janynan halyqqa keŋes beretın 4040 Call-ortalyqtar qūryldy. Şymkentte osyndai 12 ortalyq ıske qosyldy. Medisinalyq jedel-järdemnıŋ tüngı auysymy 2000 brigadaǧa deiın östı. Degenmen, qazır jedel-järdemge habarlasu körsetkışı 62 paiyzǧa deiın azaidy. Qala boiynşa būl körsetkış 37 paiyzdy qūraidy. Osydan soŋ ministrdıŋ orynbasary ındet örşıp aurular sany kürt köbeigen kezde jedel salynǧan moduldı infeksiialyq stasionar sanalatyn «Qalalyq jūqpaly aurular auruhanasyn» aralap şyqty. 200 orynǧa şaqtalǧan mekemenıŋ jūmysymen jan-jaqty tanysty. Qalalyq Densaulyq saqtau basqarmasynyŋ mälımetınşe, COVID-19 qarsy kürestı küşeitu maqsatynda 26 provizorlyq ortalyq jūmys ıstegen. Qazırgı taŋda sonyŋ 19 paiyzy qaldy. Iаǧni, uaqytşa emdeu oryndarynyŋ jüktemesı 81 paiyzǧa azaiǧan. Tamyz aiynan bastap medisinalyq mekemeler qalypty jūmys rejimıne köştı. Atap aitqanda, nauqastar josparly em qabyldai alady.