«Rossiia 1» arnasynyŋ efirınde Säule Omarovany jergılıktı sarapşylar men saiasattanuşylar maqtap, «Amerikany basyp aluǧa batyl qadam jasaǧan bızdıŋ keŋestık qyzymyz» dep atady. Būl turaly "Adyrna" ūlttyq portaly habarlaidy.
– Senator joldas Omarovadan jauap aldy. Säule komsomoldan ketken joq. Janynyŋ tübınde ol älı de KSRO-da keŋestık dästür boiynşa ösken keŋestık adam. Bılımı üzdık bolyp, Mäskeu memlekettık universitetınde oqyǧan. Bız qazırdıŋ özınde AQŞ-tyŋ jüregıne enıp aldyq! – dep mälımdedı «Nasionalnaia oborona» jurnalynyŋ bas redaktory İgor Korotchenko.Keiınırek ol Omarovanyŋ amerikandyq qarjy jüiesıne tereŋ enuı – reseilık arnaiy barlau qyzmetınıŋ ülken jetıstıgı ekenın aitty.
– Bızdıŋ barlau keremet jūmys ısteidı. Bız bılmeimız, mümkın bızdıŋ komsomoldy alǧa tartyp otyrǧan AQŞ prezidentı «joldas Baiden?» emes pe, – dedı Resei Federasiiasynda özın jetekşı äskeri sarapşysy dep sanaityn Korotchenko.Jürgızuşı Olga Skabeeva amerikandyq senatorlar Sauleden jauap aluǧa jetkılıktı daiyn emes ekenın jäne onda «qabıletsız adamdar» jūmys ısteitının aitty. Eske sale keteiık, 18 qaraşa künı AQŞ Senatynda prezident Djo Baiden ūsynǧan amerikalyq bank retteuşısınıŋ joǧary lauazymyna ümıtker, etnikalyq qazaq Säule Omarova söz söiledı. Omarova ötken ömırın aqtap, tıptı kommunist emestıgın de jariialauǧa mäjbür boldy. Säule Omarova otbasy müşelerınıŋ bırın İosif Stalin basqaratyn kommunistık partiia öltırgenın, al äjesı ekı ret ölımnen aman qalǧanyn aityp, tarihty este saqtaitynyn jäne amerikandyq ekenın maqtan tūtatynyn, memlekettık qyzmetke daiyn ekenın aitty.
"Adyrna" ūlttyq portaly
