Şymkenttıkter Olimpiada oiyndarynyŋ jüldegerlerın qoşemetpen qarsy aldy

Karateden XXXII Jazǧy Olimpiada oiyndarynyŋ jüldegerlerı Darhan Asadılov pen Sofia Berulseva tuǧan jerge oraldy. Şymkent qalasynyŋ halyqaralyq äuejaiynda jeŋımpaz sportşylardy jerlesterı zor qoşemetpen qarsy aldy, dep habarlaidy QazAqparat tılşısı. Qala äkımı Mūrat Äitenov ǧalamdyq bäsekede jüldeger atanǧan sportşylardy äuejaidan qarsy alyp, jerlesterımızdı jarqyn jeŋısımen qūttyqtady. Tört jyldyqtyŋ basty bäsekesınde el ümıtın aqtaǧanyn, aldaǧy dübırlı dodalarda odan da joǧary jetıstıkterge jetulerıne sättılık tıledı. Saiypqyran sportşylarǧa demeuşı azamattardyŋ atynan temır tūlpardyŋ kıltın tabys ettı. Aita ketsek, Tokio Olimpiadasynda Şymkent qalasynan 10 sportşy baq synaǧan bolatyn. Karate sportynan Darhan Asadılov pen Sofia Berulseva jartylai finalǧa deiın jetıp, qola jüldeger atandy.