Aqtöbe oblystyq Qazaqstan halqy Assambleiasy janynda 156 qoǧamdyq kelısım keŋesı jūmys jasaidy. Atap aitsaq, onyŋ ışınde bıreuı — oblystyq, 4-euı — qalalyq, 12-sı — audandyq, 138-ı — auyldyq. Sondai-aq bır öndırıs ornynda qoǧamdyq kelısım keŋesı bar. Jalpy, būlardyŋ qūramynda 1134 müşe tırkelgen.
Aqtöbe oblystyq Qazaqstan halqy Assambleiasy janyndaǧy keŋester qyzmetın ıske asyru bölımınıŋ sarapşy mamany Tülkıbai Saparovtyŋ aituynşa, qoǧamdyq kelısım keŋesınıŋ basty mındetı — öŋırdegı tūraqtylyqty, etnosaralyq jäne konfessiiaaralyq kelısımdı nyǧaitu jäne saqtau maqsatyndaǧy jūmystardy üilestıre otyryp, qoǧamǧa qyzmet etu.— Bükılqazaqstandyq bırlıktıŋ bıregei modelın qalyptastyruda elımızde Qazaqstan halqy Assambleiasy maŋyzdy röl atqaryp keledı. Onyŋ ışınde Aqtöbe oblysynda Qazaqstan halqy Assambleiasy 1998 jyldan berı jūmys jasap keledı. Köpetnosty Qazaqstan üşın tūraqtylyqty, etnosaralyq kelısımdı qamtamsyz etu — memlekettık saiasattyŋ maŋyzdy basymdyqtarynyŋ bırı, äleumettık – ekonomikalyq jäne saiasi reformalardy jürgızudıŋ negızgı mındetı. Qazaqstan halqy Assambleiasynyŋ negızgı tıregı – etnomädeni bırlestıkter. Bastapqyda olar ūlttyq jandanu prosessterın eŋserıp, ärbır etnostyŋ mädeni qūndylyqtary men salt-dästür, tılı men dınınıŋ därıpteluın közdedı. Būl maqsatty olar sättı ıske asyrdy dep aituǧa bolady. Öitkenı memleket tarapynan qoldau men kömek jetkılıktı boldy. Bügıngı taŋda oblysta 16 etnomädeni bırlestık jūmys ısteidı. Biyl jyl basynan berı etnomädeni bırlestıkter 108 şara ötkızıp, oǧan 2539 adam qatysty, — deidı ol.
Tülkıbai Saparovtyŋ aituynşa, biylǧy jyldyŋ 9 aiynda Aqtöbe oblystyq Qazaqstan halqy Assambleiasy janyndaǧy qoǧamdyq kelısım keŋesı 484 şara ötkızıp, oǧan oblystyŋ 6186 tūrǧyny qatysqan. Bügınde qoǧamdyq kelısım keŋesı janynda 153 analar keŋesı qyzmet atqaruda. Onyŋ 942 müşesı bar. Analar keŋesı barlyq audan men auyldyq okrugterde qūrylyp, öz qyzmetın üilestırıp jürgızude. Analar keŋesı müşelıgınde pedagogtar, mekeme basşylary, belsendı zeinetkerler, jeke käsıpkerler, üi şaruasyndaǧy analar, etnomädeni bırlestıkterdıŋ müşelerı, mediatorlar bar.— Memleket basşysynyŋ tapsyrmalaryn ıske asyru aiasynda analar keŋesınıŋ qyzmetı teŋdestırılgen etnosaralyq qatynasty qalyptastyruǧa baǧyttalatyn bolady.Analar keŋesınıŋ maqsaty — «Ruhani jaŋǧyru» jalpyūlttyq baǧdarlamasyn, qazaq halqynyŋ salt-dästürlerın, mädenietın nasihattaumen qatar jastarǧa ruhani-adamgerşılık tärbie beru, ūlttyq qūndylyqtardy boilaryna sıŋıru, ūrpaq boiyna qazaqstandyq patriotizmdı tärbieleu, azqamtylǧan jäne köpbalaly otbasylarǧa qaiyrymdylyq kömek berudı ūiymdastyru, otbasyndaǧy zorlyq-zombylyqtyŋ aldyn alu. Biyl jyl basynda el Täuelsızdıgınıŋ 30 jyldyǧyna orai analar keŋesınıŋ ūiymdastyruymen «Täuelsız eldıŋ aru analary» atty qoǧamdyq-saiasi ıs-şara ötkızıldı. Atalǧan ıs-şarada elımızdıŋ osy küngı jetıstıgın aitu, boilarynda ūlttyq ruhy, Otanǧa, elıne degen patriottyq sezımı qalyptasqan analardy bolaşaq ūrpaqqa ülgı etu, tarihymyzdy tanytu boldy. Is-şaraǧa 150-den astam adam qatysty. Sondai-aq analar keŋesınıŋ ūiymdastyruymen ZOOM platformasynda Qazaqstan halqynyŋ bırlıgı künıne orai «Bır şaŋyraq astynda» qoǧamdyq-saiasi ıs-şarasy jüzege asyryldy. Sonymen qatar oblystyq analar keŋesınıŋ töraǧalarynyŋ qoǧamdyq qabyldaular jürgızıldı. Is-şara barysynda analar keŋesınıŋ töraǧasy men keŋes müşelerı az qamtylǧan otbasylarmen kezdesıp, keŋes-nasihat ötkızdı. Qabyldaular Şalqar, Alǧa, Oiyl, Yrǧyz audandarynda jäne Aqtöbe qalasynda öttı, — deidı sarapşy maman.
Qazaqstan halqy Assambleiasy qyzmetınıŋ bır baǧyty – mediasiiany damytu. Biyl «Qoǧamdyq qarym-qatynas salasynda mediasiiany damytu» baǧyty boiynşa Äiteke bi, Mūǧaljar, Temır, audandarynda seminar-keŋester ūiymdastyrylsa, Aqtöbe qalasyndaǧy joǧary oqu oryndary men mektepterde 60 döŋgelek üstel ötkızıldı. Jalpy mediasiia qyzmetıne halyqtyŋ sūranysy artyp keledı. Biyl osy maqsatta ötkızılgen şaraǧa oblystyŋ 1261 tūrǧyny qatysqan.Tülkıbai Saparovtyŋ aituynşa, Aqtöbe oblysynda «Qoǧamdyq kelısım» mekemesı janynan qūrylǧan «Jaŋǧyru joly» jastar qozǧalysynyŋ öŋırlık ştaby üzdıksız jūmys jasaidy. Būl qozǧalystyŋ belsendılerı qoǧamdyq jūmystarmen jäne qaiyrymdylyqpen ainalysady. «Jaŋǧyru joly» jastar qozǧalysy jūmysynyŋ basym baǧyttarynyŋ bırı — jastar ūiymdaryn şoǧyrlandyru. Būl öŋırdegı jastar ūiymdarynyŋ qatysuymen etnosaralyq qatynastar salasyndaǧy bırlık pen kelısımdı saqtauǧa baǧyttalǧan bırlesken äleumettık jobalardy ıske asyruǧa mümkındık beredı. Sonyŋ nätijesınde biyl qozǧalystyŋ bastamasymen 23 şara ötkızılıp, oǧan 709 adam qatysqan. — Qazaqstan Respublikasynyŋ Täuelsızdıgınıŋ 30 jyl toluyna bailanysty «30 igı ıs» qaiyrymdylyq aksiiasyna Aqtöbe oblysy Qazaqstan halqy Assambleiasynyŋ janyndaǧy etnomädeni bırlestıkterdıŋ ökılderı belsene qatysyp jatyr. Mäselen, 9 aidyŋ ışınde 6 591 400 teŋge kölemınde qaiyrymdylyq körsetıldı. Atap aitsaq, «Äzırbaijandar qauymdastyǧynyŋ» müşelerı jataqhanada tūryp jatqan jalǧyzbasty ananyŋ bölmesıne 2 000 000 teŋge kölemınde jöndeu jūmystaryn jürgızıp berse, evreilerdıŋ «Şalom» etnomädeni bırlestıgınıŋ müşelerı tyl ardagerlerı S.Vanştein men N.Trilikovskaiaǧa 16 000 teŋge kölemındegı azyq-tülık paketterın ūsyndy. Ridder qalasynda bolǧan ört saldaryn zardap şegıp, baspanasyz qalǧan otbasylarǧa kömek körsetuge baǧyttalǧan «Ridder, bız bırgemız!» aksiiasy aiasynda «Aqtöbe oblysy kärıster qauymdastyǧy» bırlestık töraǧasy K.Shai jäne «Urartu» Armian qauymdastyǧy» bırlestık töraǧasy G.Terterian 50 000 teŋgeden, «Ellada» etnomädeni bırlestıgınıŋ töraǧasy İ.Kozmov 20 000 teŋge kölemınde aqşalai kömek körsettı, —deidı maman. Sondai-aq jaŋa oqu jylynda bırlestık müşelerı «Mektepke jol» aksiiasyna qatysyp, 20 oquşyǧa materialdyq kömek körsetken. Jyl soŋyna deiın qoǧamdyq kelısım keŋesterı el täuelsızdıgınıŋ 30 jyldyǧyna orai taǧy bırqatar bastamalardy jüzege asyrmaq.
Danagül BAIMŪQAŞ,
«Adyrna» ūlttyq portaly.
