Şymkenttegı bılım mekemelerınıŋ ashanalary araǧa bır jarym jyl salyp qaita jūmysyn bastaidy. Būl turaly aqparattyq-kommunikasiialyq ortalyǧynda ötken baspasöz jiynynda belgılı boldy. Qalalyq bılım basqarmasynyŋ basşysy J.Täjieva men sanitariialyq-epidemiologiialyq baqylau departamentı basşysynyŋ orynbasary A. Ahmetov jaŋa oqu jylyna daiyndyq barysyn baiandady.
Şahardyŋ bas ūstazy Janat Arysbekqyzynyŋ aituynşa, qaladaǧy bılım oşaqtary jaŋa oqu jylyna daiyn. Bügıngı taŋda oqulyqtar jetkızılıp, oquşylardyŋ qauıpsızdıgın qamtamasyz etu maqsatynda turniketter men beinebaqylau kameralary ornatylǧan.
– 2021-2022 jaŋa oqu jyly bılım beru ūiymdary 17-ge artty. 785 bılım mekemesındegı 350 myŋǧa juyq bılım aluşylarmen (+8 000 bala) bastalǧaly otyr. 1-synypqa 25 000 balany qabyldau josparlansa, bügıngı taŋda qabyldanǧany – 25 005 balany qūrap (qazaq tılınde – 18 755, orys tılınde – 4 125, özbek tılınde – 2 125) 100% oryndaldy. Bılım qory arqyly 57 466 balaǧa 30 000 teŋge kölemınde bır rettık qarjylai kömek berıldı. Bılım ūiymdarynda kündelıktı termometriia, kvarstau, jeldetu, dezinfeksiia jäne maska rejimı saqtalady. Ata-ana balasyna tek maska alyp berıp otyrsa jetkılıktı. Qalǧan sanitarlyq-epidemiologiialyq şaralarǧa arnaiy qarjy qaralǧan, - dedı basqarma basşysy.
Al Aldarqūl Ahmetov ūstazdar qauymy men oquşylarǧa bılım beretın mekemelerde sanitarlyq talaptardy qataŋ saqtaudy şaqyrdy. Onyŋ ışınde, qarsy körsetılımı bar jäne KVİ-men soŋǧy üş aida auyrǧan pedagogter men bılım beru ūiymdarynyŋ qyzmetkerlerı tolyqtai vaksinasiialanuy qajet ekenın aitty.
– Bılım beru ūiymdaryndanyŋ qarsy körsetılımı bar azamattaryna PTR testı mındettelmeidı. Ashanalar sanitarlyq talaptardy saqtauy tiıs. Eger kıru esıkterı syrtta bolǧan jaǧdaida «ASHYQ» jüiesıne qosylady. Olarǧa da qr-kod qoiu kerek bolady, - dedı spiker.
Aita keteiık, jaŋa oqu jyly qalada 1-qyrküiekten bastap dästürlı formatta bastau josparlanuda. Mektep formasyna qoiylatyn talaptar saqtalady, būl rette mektepke klassikalyq stildegı yŋǧaily kiımmen keluge de rūqsat etıledı.
