Şymkenttegı «Äl-Farabi» atyndaǧy ǧylymi-ämbebap kıtaphanasynda «Ruhani jaŋǧyru» baǧdarlamasy ideologiialyq platforma retınde» taqyrybynda seminar-trening öttı.
Öŋırlık joba ofistıŋ ökılderıne arnalǧan seminar «Ruhani jaŋǧyru» qazaqstandyq qoǧamdyq damu instituty» KeAQ «Ruhani jaŋǧyru» ortalyǧynyŋ ūiymdastyruymen Jambyl oblysynan keiın üşınşı megapoliste jalǧasuda. İnteraktivtı formatta ötken treningtı «Ruhani jaŋǧyru» ortalyǧynyŋ basşysy Janar Boqanova jürgızdı.
– «Ūlttyq sana – adamdy memleketımen, qoǧamymen bırıktırıp otyratyn ruhani fenomen. Sondyqtan ūlttyq ideologiianyŋ bolaşaǧyn qoǧam talqysyna salu – eŋ dūrys şeşımderdıŋ bırı. Jaŋǧyrudyŋ qadamdaryn halyq sanaly türde özı taŋdauy tiıs. Ūlttyq ideologiia memleketke de, sol memlekettıŋ negızın qūrauşy qazaq halqyna da auadai qajet, - dedı Janar Qaliqanqyzy.
Tyŋdauşylarǧa jaŋǧyrudyŋ basty şarttary jäne «Ruhani jaŋǧyru» baǧdarlamasynyŋ ideologiialyq platformasy retınde jan-jaqty tüsındırıldı. Atalǧan baǧdarlamanyŋ negızgı mındetterı men jobalary talqylanyp, jüzege asqan jūmystardyŋ nätijesı aityldy. Sonymen qatar, «Ruhani jaŋǧyru» ideologiialyq jūmys jüiesınıŋ maŋyzdylyǧy men özektılıgı, sondai-aq jürgızılgen zertteu boiynşa qazaqstandyqtardyŋ jaŋa zamanaui kelbetı tanystyryldy.
Seminarǧa qatysuşylar toptyq saiystar ūiymdastyryp, taqyryp aiasynda pıkır almasty. Sondai-aq, qūndylyqtarǧa bai adamnyŋ portretın jasady.
