"Tomırıs" fılminde saq patshaıymynyń rólin somdaıtyn aktrısa belgili boldy, dep xabarlaıdy Today.kz Aqan Sataevtyń Instagram-daǵy resmı paraqshasyna silteme jasaı otyryp.
"Zor qýanyshpen basty keıipkerdi somdaıtyn aktrısamen tanystyrǵym kelip tur. Ol 1990 jyly týǵan Almıra Tursyn. Mamandyǵy koých-psıxolog", – deıdi rejısser.
Rejısserdiń aıtýynsha ol byltyr mamyr aıynda Astanadaǵy jalpyqazaqstandyq kastıngke kelip, birinshi týrdan ótken.
Al qyrkúıek aıynda rejısserlik beıne baıqaýǵa qatysyp, ekinshi týrdan da sátti ótken.
Al úshinshi týr jattyǵý lagerinde jalǵasqan. Ótken jyldyń jeltoqsanynda fılmniń bas prodıýseri Álııa Nazarbaeva men týyndy rejısseri Aqan Sataev Almırany Tomırıs róline bekitken.
"Qazir akterlik top daıyndyq ústinde. Akterlik sheberlik pen trıýktardy úırenip, jattyǵyp jatyr. Bul Almıranyń debıýti. Alla jar bolsyn!" – deıdi rejıser Aqan Sataev.
