«Qarakemer» balalar teatrynda «Aldarkösenıŋ siqyrly dürbısı» minispektaklı qoiyldy

...Aqyldy balaqailardyŋ zäresın alǧan alyp Diiumen aiqasuǧa bel buǧan Aldarköse äbjıl «Örmekşı adam» men jüirık Makkuin jäne mazasyz Maşa qyzben küş bırıktıruı mümkın be? Äbden mümkın eken... Äkeler oqyǧan ertegı keiıpkerı men balalar tanymyndaǧy komiks beinelerdıŋ basyn qosatyn sahnalyq qoiylymnan keiın kışkentai körermender osyndai oi tüietını anyq. Bız söz etıp otyrǧan sahnalyq siujet M.Älıbektıŋ «Aldarkösenıŋ siqyrly dürbısı» atty ertegısınıŋ jelısımen qoiylǧan minispektaklde körınıs tapqan. Ärı būl ertegınıŋ alystaǧy auyldyŋ şaǧyn teatrynda qoiyluynyŋ özı bır qyzyq emes pe? Eŋbekşıqazaq audanyndaǧy Qarakemer auylyndaǧy balalar teatry keluşılerıne köterıŋkı köŋıl küi syilap, sahna körkın keltırıp otyr osylaişa. «Qarakemer» balalar teatrynyŋ jetekşısı Jar­qyn Baraqbaev sahnalaǧan ertegı alǧaş Jaŋa jyl­dyŋ qarsaŋynda qoiylǧan edı. Kışkentai kö­rermen köp jinaldy. Teatr ūjymy qazır körşı auyl­dyŋ tūrǧyndarynan ötınış tüsıp, ertegını ta­ma­şalauǧa niettı balalardyŋ qatary köbei­gen­dıkten qoiylymdy qaitalap körsetuge kırıstı. 2015 jyly oblys äkımınıŋ qoldauymen aşylǧan «Qarakemer» balalar teatry audanǧa ǧana emes, aimaqqa belgılı öner ūjymy. «Jūrt dän riza, äsırese balalardyŋ quanyşyn körseŋız... Bastapqyda belgılı öner maitalmany Asqar Naimantaevtyŋ ūstazdyq etuımen bır top talapty balalardyŋ basyn qosyp teatr qūrdyq. Oblys äkımı quana qoldady. Qazır käsıbi ūjymǧa ainaldyq. Jas rejisser Jarqyn Baraqbaevtyŋ jetekşılıgımen teatr repertuary tolyqty», deidı Qarakemer auyldyq mädeniet üiınıŋ direktory Arailym Mamyrbekqyzy.

---

Qalmahanbet MŪQAMETQALİ,

«Egemen Qazaqstan» Almaty oblysy