Täuelsızdıgımızdıŋ 30 jyldyǧy aiasynda, būqaralyq sporttyŋ damuyna auqymdy ülesın qosyp jürgen Şymkent qalasynyŋ Qūrmettı azamaty, käsıpker Serık Tülbasov Äl-Farabi audany aumaǧynda alty sport alaŋşasyn salyp, halyq igılıgıne ūsyndy.
Bügın Qabanbai batyr köşesınde ornalasqan 5 üidıŋ aulasynda altynşy sport alaŋşasynyŋ aşylu saltanaty öttı.
Qoldanysqa berılgen sport alaŋşalary barlyq standart talaptaryna sai jabdyqtalǧan. Alaŋşalarda vorkaut aimaǧy, fitnes, voleibol, basketbol jäne kışı futbol oinauǧa mümkındıkter jasalǧan.Memleket basşysynyŋ būqaralyq jäne balalar sportymen ainalysudyŋ qoljetımdılıgın arttyru maqsatynda, audan kölemınde jyl soŋyna deiın biudjet esebınen 25 sport alaŋşasy halyq igılıgıne berıletın bolady.
Şymkent qalasynyŋ Aqparattyq-kommunikasiialyq ortalyǧy
