Táýelsizdigimizdiń 30 jyldyǵy aıasynda, buqaralyq sporttyń damýyna aýqymdy úlesin qosyp júrgen Shymkent qalasynyń Qurmetti azamaty, kásipker Serik Túlbasov Ál-Farabı aýdany aýmaǵynda alty sport alańshasyn salyp, halyq ıgiligine usyndy.
Búgin Qabanbaı batyr kóshesinde ornalasqan 5 úıdiń aýlasynda altynshy sport alańshasynyń ashylý saltanaty ótti.
Qoldanysqa berilgen sport alańshalary barlyq standart talaptaryna saı jabdyqtalǵan. Alańshalarda vorkaýt aımaǵy, fıtnes, voleıbol, basketbol jáne kishi fýtbol oınaýǵa múmkindikter jasalǵan.
Memleket basshysynyń buqaralyq jáne balalar sportymen aınalysýdyń qoljetimdiligin arttyrý maqsatynda, aýdan kóleminde jyl sońyna deıin bıýdjet esebinen 25 sport alańshasy halyq ıgiligine beriletin bolady.
Shymkent qalasynyń Aqparattyq-kommýnıkaııalyq ortalyǵy
