Qazaqstan Respublikasy Ūlttyq muzeiınde elımızdıŋ mädeni mūrasyn, sondai-aq, muzeide ornalasqan qūndy jädıgerlerdı nasihattap, jastardyŋ bılımın şyŋdaudy, studentterdıŋ şyǧarmaşylyq qabyletterın anyqtap, özara bır-bırıne tanytuǧa yqpal jasaudy maqsat tūtqan «Dana» studentter kluby osydan bır jyl būryn qūrylǧan edı. Osy uaqyt aralyǧynda «Dana» muzeilık bılım beru jobasy aiasynda bırqatar ıs şaralar ötkızılıp, olarǧa Elordanyŋ joǧary oqu oryndarynyŋ studentterı qatysyp keledı.
«Dana» studentter kluby ömırı men eŋbek joly ülgı tūtarlyq tūlǧalar men jas ūrpaqtyŋ arasyn jalǧauşy altyn köpır sekıldı. Ülken ömırge endı ǧana aiaq basyp kele jatqan studentter men oquşylar özderı kezdesken tūlǧalardan ösiet tyŋdap, aldaǧy ömırıne säikes nasihat alady. Sondai, kezdesulerdıŋ bırı – belgılı arhitektor, suretşı, talant iesı Säken Narynovpen kezdesu keşı boldy.
Älemnıŋ eŋ ataqty 20 müsınşısı tızımıne engen şeberdıŋ «Qazaq halqynyŋ etnikalyq baǧyttary» taqyrybynda jan-jaqty örbıgen zerdelı äŋgımesı men oily pıkırlerı jürekke jetıp jatty. Kezdesu barysy müsınşınıŋ muzei ekspozisiiasynda ornalasqan «Uaqyt pen keŋıstıkte» körmesın tamaşalaumen jalǧasty. Atalmyş studentter klubynda ülken buyndy aǧalarmen qatar şyǧarmaşyl jastarmen de kezdesuler ūiymdastyrylyp tūrady. Sol jalyndy jastardyŋ bırı, talant iesı, jas änşı, kompozitor Asqar Äşımmen kezdesu ötkızıldı.
Asqar öz şyǧarmaşylyǧy jaily äŋgıme qozǧap, ana tılınde, sondai aq özge de tılderdegı änderın joǧary şeberlıkpen oryndap, kezdesuge qatysqan jastardyŋ alǧysyna bölendı. Jandy dauysta oryndaǧan änderı gitara jäne kahon aspaptarymen süiemeldendı.
Tyŋdarman studentter qauymy jan-jaqty sūraqtar qoiyp, bırıgıp än şyrqap, kezdesudıŋ odan ärı qyzyqty bolyp jalǧasuyna atsalysty.
Jinalǧan jastar qauymy erekşe kezdesuden ädemı küi keştı.
nationalmuseum.kz
