2050 jylǧa qarai Ukraina halqynyŋ sany 35 million adamǧa deiın qysqaruy mümkın. Būl älemdegı eŋ jyldam qūldyrau bolmaq, dep habarlaidy "Adyrna" ūlttyq portaly "Zakon.kz-ke" sılteme jasap.
Mūndai derekter BŪŪ-nyŋ "Demografiialyq üderıster" atty analitikalyq anyqtamasynda jariialandy. Būl proseske atalǧan eldegı tuu deŋgeiınıŋ tömendıgı, ölım-jıtımnıŋ joǧary deŋgeiı jäne köşı-qonnyŋ artuy äser etedı.El bilıgıne bügınde tūraqty saiasi-qarjylyq jüienı qūru, sol arqyly öz azamattarynyŋ äleumettık qorǧaluyn qamtamasyz etu qajet.
Ukraina halqynyŋ soŋǧy resmi sanaǧy 2001 jyly öttı. Onyŋ qorytyndysy boiynşa el azamattarynyŋ sany 48 240 902 adamdy qūraǧan. 2021 jyldyŋ 1 qyrküiegındegı jaǧdai boiynşa el halqynyŋ sany 41,3 millionǧa jettı.Ukrainanyŋ būrynǧy premer-ministrı Nikolai Azarov būǧan deiın aitqandai, jyl saiyn el aumaǧynda "bütın bır qala öledı". Ol Ukrainanyŋ Europadaǧy eŋ kedei elge ainalǧanyn, bıraq būl oryndarda Moldova men Albaniia tūrǧanyn atap öttı. "Batkivşina" partiiasynyŋ jetekşısı Iýliia Timoşenko da ukrain halqynyŋ joiylyp jatqany turaly aitty. Onyŋ pıkırınşe, halyq sanynyŋ azaiuy elge ülken qauıp töndırıp tūr.
"Adyrna" ūlttyq portaly.
