Úkimet otstavkaǵa ketsin: Qyrǵyzstan partııalary saılaý nátıjesin moıyndamaýda

3066
Adyrna.kz Telegram

Qyrǵyzstandaǵy bes saıası partııanyń ókilderi jeksenbi kúni respýblıkada ótken ulttyq parlament depýtattary saılaýynyń nátıjesin moıyndaýdan bas tartty, dep habarlaıdy "Adyrna" ulttyq portaly.

- Biz bul saılaýdyń nátıjelerin moıyndamaımyz, olardy jaramsyz dep tanyp, jańadan daýys berýdi talap etemiz», - delingen olardyń 29 qarashada taratqan birlesken málimdemesinde.

Saıasatkerler sonymen qatar nátıjeler jalǵan dep sanaıdy. Mundaı málimdemeni "Ulýttar bırımdıgı", "Reforma", "Ata-Meken", "Azattyq" partııalarynyń ókilderi men soıal-demokrattar partııasynyń ókilderi jasady.

28 qarashada Qyrǵystan Respýblıkasy Ortalyq saılaý komıssııasynyń saıtynda saılaý ýchaskelerinen elektrondy daýys berý jáshikterinen alynǵan aqparatty óńdeý kezinde júıede aqaý oryn aldy. Nátıjesinde saıt biraz ýaqyt qoljetimsiz boldy. Jumysy qaıta bastalǵannan keıin onda aldyńǵy nusqadan erekshelenetin aqparat paıda boldy. Ortalyq saılaý komıssııasynyń basshysy Nurjan Shildabekova túsindirgendeı, saıttaǵy máseleler baǵdarlamalyq qamtamasyz etýdegi qatelerge baılanysty boldy, olar joıyldy.

Jetinshi shaqyrylǵan Jogorký Keneshtiń (Joǵarǵy Keńestiń) depýtattary aralas júıe boıynsha — 54 partııalyq tizim boıynsha, 36 — bir mandatty okrýgter boıynsha saılandy. Bir mandatty okrýgter boıynsha joǵary zań shyǵarýshy organdaǵy oryndarǵa 21 saıası partııa men 300-ge jýyq kandıdat qatysty. Jalpy alǵanda qyrǵyz parlamentinde 90 orynǵa 1,3 myń adam úmitker bolyp otyr. Aldyn ala málimetter boıynsha, parlament quramyna alty partııa — «Ata-Jýrt Kyrgyzstan», «Ishenım», «Yntymak», «Yıman Nýrý», «Alıans» jáne «Býtýn Kyrgyzstan ótedi.

Esterińizge sala keteıik, 2020 jyldyń kúzinde ótken parlamenttik saılaýdy Ortalyq saılaý komıssııasy saılaý zańnamasynyń kóptegen buzýshylyqtaryna baılanysty  jaramsyz dep tanydy. Olardyń qorytyndylaý jappaı sherýlermen jáne eldegi prezıdent pen úkimettiń aýysýymen aıaqtaldy.

"Adyrna" ulttyq portaly

Pikirler