Elordada polisiia qyzmetkerlerı memleketaralyq ızdeude jürgen qylmyskerdı ūstady, dep habarlaidy "Adyrna" ūlttyq portaly «Nūr Sūltan» polisiia bölımınıŋ baspasöz qyzmetıne sılteme jasap.
Er adam 2014 jyly Özbekstannan alty azamatty Qazaqstanda jalaqysy joǧary jūmysqa ornalastyramyn dep, alyp ketken. Bıraq Almatyǧa kelgen soŋ olardyŋ tölqūjattaryn alyp, basqa adamǧa tapsyrǧan. Jetı ai boiy er adamdar auyr jaǧdaida jūmys ısteuge mäjbür bolǧan.
2015 jyly Özbekstan Respublikasynda adam saudasymen ainalysqan er adam 5 jylǧa bas bostandyǧynan aiyrylǧan. 2019 jyly sot ükımdı şartty türde merzımınen būryn bosatuǧa özgerttı. Er adam bostandyqqa şyqqan boida bırden Qazaqstanǧa qaşyp, Özbekstanda ızdeu jariialanǧan.
Qazır sot şeşımımen er adam qamauǧa alynyp, Özbekstanǧa ekstradisiialau mäselesı şeşılude.
"Adyrna" ūlttyq portaly
