Qazaqstan Ūlttyq Bankı Qazaqstan Respublikasy Täuelsızdıgınıŋ 30 jyldyǧyna arnalǧan nominaly 20 000 teŋgelık mereitoilyq banknotty ainalysqa şyǧarady. Būl turaly Ūlttyq banktıŋ baspasöz qyzmetı jazdy, dep habarlaidy «Adyrna» tılşısı.
Mereitoilyq banknottyŋ dizainy bıregei tehnologiia boiynşa daiyndaldy: banknottyŋ tıgınen ornalasqan jäne nominaldyŋ golografikalyq beinesın, Täuelsızdıktıŋ 30 jyldyǧyna arnalǧan logotiptı jäne Memleket basşysy Q.K. Toqaevtyŋ faksimilesın qamtyǧan metalsyzdandyrylǧan jolaq älemde alǧaş ret qoldanyldy.
Mereitoilyq banknottyŋ 27 qorǧanyş elementı bar. Banknottyŋ dizainy ainalystaǧy aqşa belgılerımen bıryŋǧai stilde jasalǧan: bet jaǧy negızınen tık beinelerdı, syrtqy jaǧy köldeneŋ beinelerdı qamtidy. Banknot basym tüs – sūr tüste oryndalǧan. Banknot kölemı 155h79mm.
Banknottyŋ bet jaǧy
Bet jaǧyndaǧy negızgı beineler – Qazaqstan Respublikasynyŋ Memlekettık rämızderı, Qazaqstan Respublikasynyŋ Tūŋǧyş Prezidentı – Elbasy N.Ä. Nazarbaev portretınıŋ golografiialyq beinesı, Qazaqstannyŋ täuelsızdıgı men memlekettılıgınıŋ nyşany retınde «Qazaq Elı» monumentı, «Mäŋgılık El» saltanat qaqpasy, qazaqtardyŋ dästürlı tūrǧyn üiı «Kiız üidı» bezendıru jelısı boiynşa «Basqūr» – taspasyndaǧy qazaqtyŋ ūlttyq örnegınıŋ fragmentı.Banknottyŋ syrtqy jaǧy
Syrtqy betındegı negızgı beineler – Qazaqstan Respublikasynyŋ Tūŋǧyş Prezidentı – Elbasy N.Ä. Nazarbaevtyŋ portretı, Nūr-Sūltan qalasynyŋ jäne Aqorda Prezident rezidensiiasynyŋ panoramalyq körınısı, Qazaqstan Respublikasy Täuelsızdıgınıŋ 30 jyldyǧyn merekeuge arnalǧan logotip beinesı. Nominaly 20 000 teŋgelık mereitoilyq banknot Qazaqstan Respublikasynyŋ bükıl aumaǧynda tölemderdıŋ barlyq türı boiynşa naqty qūny boiynşa qabyldauǧa, sondai-aq Qazaqstan Respublikasynyŋ barlyq bankterınde banktık şottarda audaruǧa, ūsaqtauǧa jäne aiyrbastauǧa mındettı. Elbasynyŋ portretı bar nominaly 10 000 teŋgelık alǧaşqy mereitoilyq banknot 2016 jyly şyǧarylǧanyn jäne Qazaqstan Respublikasy Täuelsızdıgınıŋ 25 jyldyǧyna orailastyrylǧanyn eske salamyz. Qazırgı kezde Qazaqstanda nominaly 200, 500, 1 000, 2 000, 5 000, 10 000 jäne 20 000 teŋgelık banknottar ainalysta qoldanylyp jür.«Adyrna» ūlttyq portaly
