Aqtóbelikter Tuńǵysh Prezıdent kúnin atap ótti

2350
Adyrna.kz Telegram

Búgin Aqtóbe qalasyndaǵy Jekpe-jek saraıynda Tuńǵysh Prezıdent kúnine arnalǵan «Táýelsiz el Elbasy jolymen» atty saltanatty shara ótti.

Oǵan oblys ákimi Ońdasyn Orazalın, Aqtóbe qalasynyń ákimi Ashat Shaharov, ardagerler, zııaly qaýym ókilderi, memlekettik mekemelerdiń basshylary, belsendi jastar jáne BAQ ókilderi qatysty.

Sharada oblys ákimi Ońdasyn Orazalın jınalǵandardy merekemen quttyqtap, Elbasy, Ult kóshbasshysy Nursultan Nazarbaevtyń táýelsizdigimizdiń negizin qalap, syndarly sátterde sarabdal saıa­­satymen eldi súrindirmeı, damýdyń dańǵyl jolyna jetelep, búkil álemge tanyta bilgendigin, Tuńǵysh Prezıdent kúniniń mereke retinde toılanýy — Elbasyǵa degen erekshe qurmettiń belgisi, el birliginiń jarqyn kórinisi ekenin aıta kelip:

— Ózderińiz jaqsy bilesizder, men Elbasynyń janynda qatar júrip, on eki jyl birge qyzmet jasadym. Eldiń qamy úshin tynymsyz eńbeginiń kýási boldym. Búgingi biz kórip otyrǵan jetistikterdiń  qaı-qaısysy bolsyn, ońaılyqpen kelmegenin kózimmen kórdim. Jeke tulǵa retindegi qasıetterin de erekshe sezingen adammyn. Al Elbasynyń álemdik deńgeıdegi saıası tulǵa ekendigin jahandyq qaýymdastyq áldeneshe ret moıyndady.

Munyń bári de bizdiń kóz aldymyzda bolǵan jaıttar. Aldyńǵy býyn ókilderi — sol tarıhtyń tiri kýágerleri. Al búgingi jastarymyz muny este ustaýy kerek, sondaı-aq sabaq alýǵa tıis.

Biz otyz jyl ishinde qazirgideı jetistikterge eldiń aýyzbirshiligi men yntymaǵynyń, halqymyzdyń eńbekqorlyǵynyń, Elbasymyzdyń tabandylyǵy men salıqaly saıasatynyń arqasynda jettik. Kórsetip bergen jolymen júrdik. Eldegi ózara tatýlyq — sonyń nátıjesi. Al bereke-birlik, elimizdiń  tynyshtyǵy men bútindigi — barshamyzǵa berilgen amanat. Sondyqtan alda osy amanatqa berik bolaıyq! Mereke barshamyzǵa qutty bolsyn!  Eldiń erteńine degen senimimiz berik, jarqyn kúnderimiz kóp bolsyn! — dedi.

Óz sózinde oblys ákimi elimizdiń táýelsizdiktiń 30 jylynda qol jetkizgen jetistikterin jeke-jeke atap, jýyrda ǵana jarııalanǵan Elbasy Nursultan Nazarbaevtyń «Eldiktiń jeti tuǵyry» atty qaǵıdattar jıyntyǵynda aıtylǵan basym baǵyttar men mindetterge toqtalyp ótti.

Quttyqtaý sózinen keıin oblys ákimi óńirdiń áleýmettik-ekonomıkalyq damýyna qosqan úlesi men belsendi azamattyq ustanymy úshin bir top azamatty «Jomart júrek»  medalimen marapattady. Olardyń qatarynda «Jyl tulǵasy» nomınaııasy boıynsha Tokıo olımpıadasynyń qola medal ıegeri Nurıslam Sanaev, «Jyldyń úzdik uıymy» nomınaııasy boıynsha «Qazhrom» akıonerlik qoǵamy fılıalynyń Dóń taý-ken baıytý kombınaty, «Jyl meenaty» nomınaııasy boıynsha Almabek Tólepov, «Jyldyń úzdik qamqorshysy» nomınaııasy boıynsha Dosbol Bakenovter bar.

Sondaı-aq sharada «Oblysqa sińirgen eńbegi úshin» tósbelgisi QR Qurmetti sáýletshisi Bolat Egimbaevqa, «Stroıdetal» JShS dırektory Anatolıı Sımonovqa, «Altyn Ásel» JShS dırektory Hamıt Óteýulyna, mádenıet salasynyń ardageri Shalqııa Baqytjanovaǵa, qarjy salasynyń ardageri Marııa Baıǵanovaǵa tabystalsa, «Jyl adamy-2021» nomınaııasymen «Qazhrom» TUK» AQ prezıdenti Arman Esenjolov, oblystyń bas ınfekıonıst-dárigeri Meırambek Qurmanǵazın, «Kaır-Treıd» JShS dırektory Vladımır Grınberg, belgili músinshi Jeńis Jubanqosov, polıııa qyzmetkeri Muratbek Nurmaǵambetov, táýelsizdik qurdasy Nurjan Orazov marapattaldy.

 

«Adyrna» ulttyq portaly.

Pikirler