Memlekettık syilyqtyŋ laureaty, jazuşy-dramaturg Dulat İsabekov – qazaq ädebietınıŋ qadırlı aqsaqaly. 1980 jyldary jazǧan prozalyq şyǧarmalary älı de qoldan-qolǧa tüspei oqylady.
Prozadan dramaturgiiaǧa oiysqanyna da bıraz jyldyŋ jüzı boldy. Pesasy London sahnasynda qoiylyp, byltyr bır jelpındık. Qamshy.kz tılşısı qalamgermen äŋgımelesıp qaitty. Būl sūhbatta jazuşy postmodernizm ökılderın soiyp saldy. Özınıŋ mahabbat hikaiasyn da jasyrmai aityp berdı. – Al özıŋızde nekemen ölşenbeitın mahabbat boldy ma? – Boldy ǧoi, nege bolmasyn?! Men ädebietke erte aralastym. Mektep oqyp jürgende kıtaby şyqqan jıgıttı kım jaqsy körmeidı? Aqşam da bar. Men kinoǧa da erte aralastym. Sol kezde talai oqiǧalar boldy. – Jiı ǧaşyq boldyŋyz ǧoi demek? – Ǧaşyq boluyn boldym. Işınde erekşelerı de boldy. – Sol erekşe qyzdar esıŋızde me? – Oiymnan älı de bolsa şyqpaityn ekı qyz bar. Obal jasadym dep oilap jüremın. Äielıme üilenetın kezde kenetten eş eskertpesten özgege auyp kete saldym ol qyzdan. Būiryq degen sol şyǧar… Men besınşı, ol törtınşı kursta. Ol qyz Fransuz kafedrasynda oquşy edı. Qatty jylaǧany älı köz aldymda. Üide suretı bar. Aman bolsa, bır jolyǧyp, aiaǧyna jyǧylyp, keşırım sūrasam deimın. Senıŋ obalyŋa qaldym, menen qatelık kettı dep aitqym keldı. Ekınşısı Almatyda. Kino salasynda jür qazır. Ara-tūra kezdesıp qalamyz.stan.kz
