Qyrǧyzstan prezidentı Sadyr Japarovtyŋ jarlyǧymen parlament deputattarynyŋ jalaqysyn qysqartyp, olardy qyzmettık avtokölıkterden aiyrdy, dep habarlaidy "Adyrna" ūlttyq portaly Orda.kz saityna sılteme jasap.
«Respublikalyq biudjet şyǧystaryn oŋtailandyru, memlekettık organdar men jergılıktı özın-özı basqaru organdarynyŋ biudjet qarajatyn paidalanu tiımdılıgın arttyru jönındegı şaralar turaly» jarlyǧy boiynşa Jogorku Keneş deputattaryn ūstauǧa jūmsalatyn şyǧyndardy azaitu boiynşa qajettı şaralar qabyldandy.
QR Prezidentınıŋ saitynda habarlanǧandai, jarlyq aiasynda parlamentşılerdıŋ lauazymdyq jalaqylary azaityldy.
Jogorku Keneştıŋ lauazymdyq jalaqysy 30 myŋ som mölşerınde belgılendı;
Jogorku Keneş töraǧasynyŋ orynbasarlary – 27 myŋ som:
Deputattyq fraksiialardyŋ köşbasşylary men komitet töraǧalary – 26 myŋ som:
Deputattar – 25 myŋ som.
Jarlyqta biudjet salasyndaǧy jaǧdaidy jaqsartu tetıgı bar. Būl rette ıs jüzınde eşqandai qarajat jūmsalmaidy.
«Mehanizmdı «memleket öz qarajaty boiynşa ömır süruge tiıs» degen jalpyǧa mälım qaǧidat arqyly sipattauǧa bolady. Basqaşa aitqanda – memlekettık apparatty ūstauǧa arnalǧan memlekettık biudjettıŋ şyǧystaryn ünemdeu. Mehanizm ärdaiym kürdelı ekonomikalyq reformalar kezınde ärtürlı elderde sättı qoldanyldy. «Qarajatpen ömır süru» ūranymen Baltyq, Şyǧys jäne Ortalyq Europa elderınde (Estoniia, Latviia, Polşa, Chehiia, Vengriia) memlekettık basqaru reformalary sättı jürgızıldı» delıngen prezident baspasözınıŋ habarlamasynda.Sondai-aq respublikalyq biudjetten şyǧystardy retke keltıru üşın negızgı şaralardy ıske asyru közdeledı. Mysaly, būryn Jogorku Keneş deputattaryna tūrǧyn üige ötemaqy tölengen. Endı ötemaqylar men qyzmettık avtokölıkter alynyp tastaldy. Al qoldanystaǧy qyzmettık päterler tūrǧyn üiı joq parlament deputattarynyŋ arasynda bölınetın bolady.
"Adyrna" ūlttyq portaly
Ūqsas jaŋalyqtar
