Nurlan Ermekbaev Búkilqazaqstandyq qoıan-qoltyq urys qaýymdastyǵynyń tóraǵasy bolyp qaıta saılandy, dep habarlaıdy “Adyrna” ulttyq portaly.
Almatyda ótken kezekten tys konferenııada Nurlan Ermekbaev tóralqa sheshimimen qaıtadan Búkilqazaqstandyq qoıan-qoltyq urys qaýymdastyǵynyń tóraǵasy bolyp saılandy. Ol bul laýazymdy 2018 jyldan beri basqaryp keledi.
Ótken 2 jyl ishinde Qoıan-qoltyq urys qaýymdastyqtary júıeli jumysymen kózge kórindi: elimizdiń iri qalalarynda, oblys ortalyqtary men aýyldarynda balalar men eresekterge arnalǵan sport zaldary jumysyn toqtatqan emes.
2021 jyly Máskeýde ótken qoıan-qoltyq urystan álem Kýbogynda qazaqstandyq komanda sátti óner kórsetip, 4 altyn, 2 kúmis jáne 6 qola medaldy qorjynǵa saldy.
Qaýymdastyq sondaı-aq 2023 jylǵy Álem chempıonatyn Qazaqstanda ótkizý týraly ýaǵdalastyqqa qol jetkizdi.
Aıta keteıik, 2019 jyldan bastap Qazaqstan Respýblıkasynyń Qarýly Kúshterinde armııalyq qoıan-qoltyq urys belsendi damyp keledi.
Sarbazdardyń fızıkalyq daıyndyǵyn kúsheıtý maqsatynda oqý baǵdarlamasyna qoıan-qoltyq urystyń bazalyq daıyndyǵy engizildi. Sol jyly Ermekbaev kelisimshart boıynsha áskerı qyzmetshiler, ofıerler ǵana emes, merzimdi qyzmettegi barlyq sarbazdardyń da qoıan-qoltyq urystyń bazalyq daǵdylaryn meńgerýin talap etti.
Bul arqyly sarbazdar kez-kelgen jaǵdaıda ózderin qorǵap qalýmen qatarqaýiptiń betin qaıtara alatyn kúshke ıe bolady.
“Adyrna” ulttyq portaly