İndoneziianyŋ şyǧysyndaǧy Iаva aralyndaǧy Semeru janartauynyŋ atqylauynan qaza tapqan tūrǧyndar sany 14 adamǧa jettı. Taǧy jüzge juyq tūrǧynnyŋ denesın küiık şaldy, dep habarlaidy "Adyrna" ūlttyq portaly.
Janartaudyŋ atqylauy keşe bastalǧan edı. Joǧalyp ketken azamattardy ızdestıru jūmystary älı de jalǧasyp jatyr. Soŋǧy mälımet boiynşa tabiǧat apatynan 14 adam köz jūmyp, 100-ge juyǧy jaralandy. https://youtu.be/cSw3toFX1DU Jaqyn maŋaidaǧy 11 eldı mekennen myŋnan asa tūrǧyn qauıpsız jerge köşırılgen.- Men uaqytşa baspanada tūryp jatyrmyn. Adamdar mūnda üilerı qiraǧandyqtan keldı. Olarda tamaq, su joq. Bız mūnda qanşa uaqyt tūruǧa bolatynyn bılmeimız, – deidı erıktı Ahmad.Eske sala keteiık, İndoneziia Tynyq mūhitynyŋ «otty şeŋber» dep atalatyn seismikalyq qaupı joǧary aimaqta ornalasqan. Soŋǧy ret ol biyl qaŋtarda atqylaǧan. Alaida ol kezde eşkım japa şekken joq.
"Adyrna" ūlttyq portaly
