Qasym-Jomart Toqaev pen Şavkat Mirziioev şaǧyn qūramda ötken mazmūndy kezdesuden keiın ekı eldıŋ resmi delegasiialary müşelerınıŋ qatysuymen kelıssözdı keŋeitılgen qūramda jalǧastyrdy, dep habarlaidy «Adyrna» tılşısı Aqordaǧa sılteme jasap.
Prezidentter sauda-ekonomikalyq yntymaqtastyqty nyǧaitu, onyŋ ışınde özara tauar ainalymyn arttyru, investisiia tartu jäne önerkäsıp, auyl şaruaşylyǧy, qūrylys, kölık salalary boiynşa kooperasiiany damytu mäselelerıne basa män berdı.
Sondai-aq su-energetikalyq jäne mädeni-gumanitarlyq salalardaǧy özara yqpaldastyq mäselesı talqylandy.
Qasym-Jomart Toqaev myzǧymas dostyqqa, tatu körşılık pen strategiialyq yqpaldastyqqa negızdelgen Qazaqstan men Özbekstan arasyndaǧy köpjaqty bailanystardyŋ qarqyndy damyp kele jatqanyn atap öttı.
– Bırlesken küş-jıgerımızdıŋ arqasynda qazaq-özbek yntymaqtastyǧy barlyq salada būryn-soŋdy bolmaǧan şyŋdarǧa köterıldı. Qūrmettı Şavkat Miromonovich, osy oŋ ürdıske Sız sübelı üles qostyŋyz, – dedı Memleket basşysy.Qazaqstan Prezidentı bügınde ekı el memleketaralyq serıktestıktıŋ jarqyn ülgısıne ainalǧan berık ärı üilesımdı qarym-qatynas ornatqanyn aitty. Barlyq deŋgeide belsendı ärı asa senımdı saiasi dialog ornatylǧan. Ükımet deŋgeiındegı jüielı jūmystar jürgızılıp jatyr jäne parlamentaralyq bailanystar da nyǧaiyp keledı. Taraptar köpjaqty qūrylymdar men tetıkter aiasynda özara tabysty jūmys ıstep jatyr. Qazaqstan men Özbekstannyŋ aimaqtyq jäne halyqaralyq kün tärtıbındegı köptegen mäseleler boiynşa, onyŋ ışınde Auǧanstandaǧy ahualdy tūraqtandyru mäselesıne qatysty közqarastary men ūstanymdary ortaq.
– Sauda-ekonomikalyq yntymaqtastyqty damytuda teŋdessız ılgerıleu bar. Biylǧy 10 aidyŋ qorytyndysy boiynşa ekıjaqty sauda ainalymy 30 paiyzǧa artyp, 3 milliard dollardan asty. Bız juyq arada sauda ainalymynyŋ kölemın 5 milliard dollarǧa, al odan keiın 10 milliard dollarǧa deiın jetkızu mındetın qoidyq. Pıkıralmasu nätijesınde būl qol jetkızuge bolatyn maqsat degen tūjyrymǧa keldık. Ärine, atqaruşy organdar, eŋ aldymen, ükımetterımız osy maqsatqa jetu üşın tiıstı jūmystardy jürgızuge tiıs, – dedı Qasym-Jomart Toqaev.Taraptar gumanitarlyq bailanystardyŋ jandanǧanyn oŋ baǧalady. Halyqtarymyzdyŋ ortaq ruhani-mädeni qūndylyqtaryn baiyta tüsken Qazaqstan men Özbekstan jyldary ekı jaqta da atap ötıldı. Memleketaralyq qatynastardyŋ märtebesın odaqtastyq deŋgeiıne deiın köteru jönındegı şeşım ekı el basşylarynyŋ kelıssözderı nätijesınde qol jetkızgen maŋyzdy uaǧdalastyqtardyŋ bırı boldy.
– Bügın bız memleketaralyq qatynastardyŋ märtebesın odaqtastyq deŋgeiıne deiın köteruge uaǧdalastyq. Jaŋa ǧana osy mäsele boiynşa pıkır almasyp, mūnyŋ elderımız arasyndaǧy müldem jaŋa sapaly deŋgei ekenın atap öttık. Ärine, odaqtastyq qatynastar memleketterımızge erekşe mındet jükteidı. Men memleketaralyq keŋes qūru jönınde ūsynys aittym. Osy keŋes aiasynda bız qajetsız resmilıkten tys, ıskerlık negızde jiı bas qosa alamyz, – dedı Qazaqstan Prezidentı.Öz kezegınde Şavkat Mirziioev şaǧyn qūramda ötken kelıssözdıŋ mazmūndy bolǧanyn atap ötıp, ekı el arasyndaǧy sauda ainalymynyŋ rekordtyq deŋgeige jetkenın jäne bırlesken jobalardyŋ sättı jüzege asyrylyp otyrǧanyn aitty.
– Bız köp qyrly yntymaqtastyǧymyzdyŋ özektı mäselelerı boiynşa müddelerımız ben ūstanymdarymyzdyŋ ortaq ekenın taǧy da däleldedık. Elderımız arasynda ornatylǧan jaqyn ärı bauyrlastyq bailanystarymyzdy joǧary baǧalaimyz. Jaŋa ǧana Qasym-Jomart Kemelūly halyqtarymyzdyŋ osy saparǧa rizaşylyq tanytyp jatqanyn aitty. Şyn mänınde, şekara maŋyndaǧy ekı eldıŋ de tūrǧyndary qatty quanady. Sebebı bız jiı kezdesken saiyn özara qatynastarymyz jaqsara tüsedı. Maşina jasau, energetika, elektrotehnika, himiia, jeŋıl önerkäsıp, bankter jäne basqa da salardaǧy kooperasiia boiynşa sättı şyqqan jobalarymyz bar, – dedı Özbekstan Prezidentı.Qasym-Jomart Toqaev pen Şavkat Mirziioev kelıssözder qorytyndysy boiynşa Qazaqstan Respublikasy men Özbekstan Respublikasy arasyndaǧy odaqtastyq bailanystar turaly Deklarasiiaǧa qol qoidy.
«Adyrna» ūlttyq portaly
