Şymkentte osy jyldyŋ 3 qaraşasynda qalalyq infeksiialyq ortalyǧyna 41 jastaǧy tūrǧyn Jıbek Batyrova auyr jaǧdaida tüsken bolatyn. Därıgerler nauqasty bırden jansaqtau bölımıne jatqyzyp, tekseru jūmystaryn jürgızgen.
Kompiuterlık tomografiia nauqas ökpesınıŋ 80-% zaqymdalǧanyn körsetken. Būǧan qosa nauqasta II-därejelı tynys jetıspeuşılıgı bolypty.
İnfeksiialyq auruhanaǧa jetkızılgenge 6 kün syrqattanǧan. Üş kün «Meiırım» klinikasynda em alyp, densaulyǧynyŋ dūrystalmauyna bailanysty Şymkent qalalyq jūqpaly aurular ortalyǧyna jedel järdem qyzmetı arqyly auystyrylǧan.
«Nauqastyŋ tüsken kezdegı jaǧdaiy öte auyr boldy. Ökpesınıŋ 80-paiyzy zaqymdalǧan. Onymen qosa tynys alu jetıspeuşılıgı de boldy. Auyrǧanyna 1-aptadai bolǧan. Onyŋ soŋǧy 3-künınde Meiırım klinikasynda em alǧan. Nauqasty bırneşe därıger bolyp qaradyq. Emdeu hattamasy boiynşa tolyq em aldy. Sonyŋ arqasynda jaǧdaiy dūrystalyp, ömırıne eşqandai qauıp tönıp tūrǧan joq» –deidı jūqpaly aurular ortalyǧynyŋ jauapty därıgerı Beken Syrbekūly.Nauqastyŋ qazırgı jaǧdaiy jaqsy. Densaulyǧy jaqsarǧan nauqasty därıgerler üiıne bügın üiıne şyǧardy. Şymkent qalasy äkımdıgınıŋ baspasöz qyzmetı
