«Şaŋyraq» baǧdarlamasy boiynşa azamattarǧa päter kıltterı tabystaldy

Şymkent qalasynda «Şaŋyraq» jeŋıldetılgen nesielık baǧdarlamasymen kezekte tūrǧan 483 azamat baspanaly boldy. Qazaqstan Respublikasy Täuelsızdıgınıŋ 30 jyldyǧyna jäne Tūŋǧyş Prezident künıne orai infraqūrylymdyq jäne kommunaldyq qyzmetterı ıske qosylǧan Tūran şaǧyn audanyndaǧy 483 päterlı 10 tūrǧyn üidı bügın Şymkent qalasy äkımınıŋ orynbasary M.Aimanbetov päter ielerıne tabystady. Bügıngı taŋda qalada biudjet esebınen 88 üidıŋ qūrylysy jürgızılse, onyŋ ışınde “Şaŋyraq” baǧdarlamasynyŋ qatysuşalyryna 27 tūrǧyn üi (1728) boiynşa azamattardy qonystandyru jūmystary kezeŋ-kezeŋımen jüzege asyryluda. Elımızıde baspanamen qamtu körsetkışı soŋǧy jyldary aitarlyqtai ösıp, bügınde qūrylys saludyŋ jaŋa ädısterın, zamanaui materialdardy, sondai-aq ǧimarattardyŋ jobasy men qala qūrylysynyŋ josparyn jasaǧanda tiımdı täsılderdı qoldanu boiynşa auqymdy jūmystar jasalyp keledı. Qazırgı uaqytta qalada salynatyn jäne salynǧan üilerdıŋ sapasy, ekologiialyq tazalyǧy, energiialyq tiımdılıgı men infraqūrylymdyq nysandardy intellektualdy basqaru jüielerımen jabdyqtaluy basty nazarda. Şymkent qalasy respublika boiynşa tūrǧyn üi qūrylysy öte qarqyndy jürıp jatqan aimaqtardyŋ qatarynda ekenın jäne tūrǧyndardyŋ ömır süru jaǧdailaryn jaqsartu men tūrǧyn üi ipotekasynyŋ qoljetımdılıgın arttyruǧa mümkındık bergen ipotekalyq nesielendırudıŋ jaŋa baǧdarlamasy bügınde oŋ nätije körsetıp otyr. 2020 jyly qalamyzda 649,1 şarşy metrge baspana salynǧan, osy jyly būl körsetkıştı 1 mln. şarşy metrge jetkızu közdelıp otyrǧanyn jetkızgen qala äkımınıŋ orynbasary M.Aimanbetov Täuelsızdıktıŋ 30 jylda jetken mereiın tasytyp abyroiyn asqaqtatatyn ülken belestı jeŋıs ekenın atap öttı.