Şymkent qalasy men Türkiia Respublikasynyŋ Adana qalalary arasyndaǧy bauyrlastyq kelısım ornatu boiynşa ıs-şara öttı. Zoom platformasy arqyly onlain qol qoiu räsımıne Şymkent qalasynyŋ äkımı Mūrat Äitenov pen Adana qalasynyŋ merı Zeidan Karalar myrza qatysty.
Taraptar Şymkent pen Adana qalalary arasyndaǧy sauda-ekonomikalyq, önerkäsıptık, turizm, sport, mädeni jäne äleumettık salalary arasynda özara yqpaldastyq jäne yntymaqtastyqty ornatu boiynşa ekı jaqty kelısımge keldı. Bırqatar sala jetekşılerımen yntymaqtastyqty nyǧaitu boiynşa perspektivalyq mäseleler talqylandy.
Bügınde Şymkent qalasynda türık investorlarymen bırlese 55 mln AQŞ dollaryna 6 joba (aiaq kiım öndırısı, aliumin profilderı, künbaǧys tūqymyn qaita öŋdeu jäne t.b) ıske asyrylǧan.
Qala äkımı M.Äitenov ekı jaqty kelısım ıskerlık bailanystar ornatuǧa, bırlese damuǧa zor serpın beretının atap öttı. Ekı qala arasyndaǧy barlyq qūndylyqtardy saqtap, olardy damytu jäne özara bailanystardy nyǧaitu taraptardyŋ negızgı maqsaty bolmaq.
– Qalada qolaily biznes ahualyn damytu üşın barlyq jaǧdai jasalǧan. Şymkent pen Adana qalalary arasynda bauyrlastyq qarym-qatynastyŋ ornauy syrtqy ekonomikalyq bailanystarǧa, käsıpkerlık qyzmet salasyn keŋeituge, qalalar arasyndaǧy turistık yntymaqtastyqty ornatuǧa ülken serpın berıp, jalpy ekonomikalyq deŋgeidıŋ artuyna alyp keledı.
Būl kelısım ekı el arasyndaǧy ärıptestıktı odan ärı nyǧaituǧa negız bolary sözsız – dedı qala äkımı.
Sondai-aq, jiynda Türkiia Respublikasynyŋ Qazaqstan Respublikasyndaǧy Tötenşe jäne Ökılettı Elşısı Ufuk Ekidji, Qazaqstan Respublikasynyŋ Türkiia Respublikasyndaǧy Tötenşe jäne Ökılettı Elşısı Abzal Saparbekūly söz söilep, ıs-şaranyŋ maŋyzdylyǧyna toqtalyp öttı.
Şymkent qalasy äkımınıŋ orynbasary Maqsūt İsahovtyŋ moderatorlyǧymen ötken jiynǧa, Şymkent qalasy mäslihatynyŋ hatşysy Bahadyr Narymbetov, qalalyq mäslihat deputattary, Türkiia Respublikasynyŋ Şymkent qalasy men Türkıstan oblysyndaǧy qūrmettı bas konsuly Latifşa Asanov pen «Ball – Textile» kompaniiasynyŋ öndırıs basşysy Oguz Durru qatysty.
Bügınge deiın Şymkent qalasy şeteldık toǧyz qalamen bauyrlastyq ornatqan bolsa, onyŋ ışınde Türkiianyŋ İzmir jäne Eskişehir qalalary da bar. Adana qalasy Türkiianyŋ eŋ ırı, törtınşı qalasy. Önerkäsıbı damyǧan (maqta, sitrus jemısterı, sūly jäne künjıt) ırı auylşaruaşylyq ortalyǧy.
Kezdesu soŋynda Şymkent pen Adana qalalary arasynda ekı jaqty yntymaqtastyq ornatu memorandumyna qol qoiyldy.
Şymkent qalasy äkımdıgınıŋ baspasöz qyzmetı
