Tuǧan jerın saǧynbaityn, tuǧan elın aŋsamaityn azamattar kemde-kem şyǧar! «Tuǧan jerge tuyŋdy tık» demekşı, men öz şyǧarmalarymda, Aspara, Merkı, jetpıs üilı Qyzylsai auylyn bar älemge jar salyp, estıgen jūrttyŋ qūlaǧyna qūia bıldım.
1994 jyly qiyn-qystau kezeŋderde Qostoǧan, Myŋqazan (būrynǧy Voroşilov), Qyzylsai auylynyŋ ortasyna keiıngı ūrpaqqa ösiet, sabaq bolsyn dep, soǧys atyna laǧynet aityp, «Qara kempır» eskertkışın öz esebımnen ornattym. 2004 jyly auylǧa meşıt tūrǧyzdym. Konsertterde kışkentai ǧana Qyzylsai auylymdy Parijge de, Mäskeuge de aiyrbastamaimyn dep jariia etemın.
Sol aitpaqşy, qazırgı Granitogorsk (men sol jerdıŋ mektep-internatynda 1959-1963 jyldary oqyǧanmyn) 1928-1932 jyldary orys basqynşylary menıŋ Qoŋyrbai atamnyŋ ürım-būtaǧyn tuǧan jerınen quyp şyǧyp, Qoŋyrbai ata qystaǧyn Granitogorsk dep özderı iemdenıp alǧan. Odan berı 70-75 jyl ötse de, älgı orysşa atau eş özgerıssız qala berıp otyr.
Menıŋ ūsynysym, sol auyldyŋ atyn Qoŋyr auyly dep atau kerek. Qoŋyr tüs – qazaqqa tän tüs. Qoŋyr degen Almaty, Şyǧys Qazaqstan oblystarynda auyldar bar, «Qoŋyr» degen muzykaly trio bar, tıpten üş jyldan berı Elbasynyŋ tuǧan auyly Şamalǧandy Üşqoŋyr dep atap otyr. Sonymen qatar myna öleŋ şumaqtaryn nazarlaryŋyzǧa ūsynamyn.
Qarakerge jarasar ömıldırık,
Aq kümıspen jarasar tebındılık.
Asparadan qoŋyr jel samal soqsa,
Qara öleŋdı jazasyŋ tögıldırıp.
Arqaly aqyn şyŋ-qūzǧa syia almaidy,
Tuǧan ölke jusanyn qiia almaidy.
Köktem, jazyn, qys kezın esıne alyp,
Qoŋyr küzge jyrlaryn jiı arnaidy.
Jürekte ot janǧanmen, janymda azap,
Aqyn üşın jyr qymbat, ömır ǧajap.
Qyzdai ziiat mınezı, qyldan näzık,
Qoŋyr öleŋ jazatyn qoŋyr qazaq.
Asparaǧa änımdı jiı arnaimyn,
Tuǧan ölke samalyn qiia almaimyn.
Qoŋyr atam qystaǧyn saǧyndy-au dep,
Jer jannaty osy-au dep qiialdaimyn.
Alla qalasa, Qoŋyr auylynda qoŋyr samal jelmen ılesıp kelıp, qoŋyr şaidy ışe otyryp, qoŋyrajaimen jolyǧysaiyq.
Altynbek Qorazbaev, Jambyl oblysynyŋ Qūrmettı azamaty, QR Halyq artisı, Memlekettık syilyqtyŋ laureaty, «Parasat», «Barys» ordenderınıŋ iegerı
