Şymkentte «Qazaqstan halqy Assambleiasy» ǧimaratynda Ūlttyq mädeni ortalyqtar künı atalyp öttı.
Būl Täuelsızdıktıŋ 30 jyldyq mereitoiyna arnalǧan «30 jyldyqqa – 30 jūldyzdy kün» atty ıs-şaralar şeruı aiasynda ötude.
Bır ailyq aksiia aiasynda «Tūǧyrly täuelsızdık» atty ıs-şaraǧa qatysqan qala äkımınıŋ bırınşı orynbasary Şyŋǧys Mūqan ortalyqta jaŋadan jasaqtalǧan etno mūrajaidy aralap, «Beibıtşılık pen kelısım jolymen» televiziialyq jobasy filmın tamaşalady.
Televiziialyq jobanyŋ basty maqsaty – Qazaqstan Respublikasynyŋ Tūŋǧyş Prezidentı – Elbasy N.Ä.Nazarbaevtyŋ ūlttyq egemendık pen täuelsızdıktı nyǧaitudaǧy, beibıtşılık pen kelısım saiasatynyŋ qūndylyqtaryn şoǧyrlandyrudaǧy rölın körsetu.
Alqaly jiynda söz alǧan Şyŋǧys Jūmabekūly Qazaqstan halqy Assambleiasynyŋ män-maŋyzyna, el bırlıgınıŋ yntymaqtyǧyna toqtalyp, memlekettıŋ bolaşaǧy, elımızdıŋ ösıp-örkendeuınıŋ tüp qazyǧy tatu-tättı tırşılıkte ekenın jetkızdı.
– Elımız täuelsızdıgın alǧan tūsta alpauyt elderdıŋ saiasatkerlerı men halyqaralyq sarapşylar köpūltty elımızdıŋ bolaşaǧyna kümänmen qarady. Türlı pessimisttık boljamdaryn aitty. Degenmen bärımız bır tudyŋ astyna bırıgıp, sol ömırşeŋ emes boljam ekenın däleldei aldyq. Elbasynyŋ sarabdal saiasatyn köptegen el ülgı etıp aldy. Bız sol basqa qonǧan baǧymyzdy baǧalai bıluımız kerek, - dedı Ş. Mūqan.
Jiyndy Şymkent qalasynyŋ ışkı saiasat jäne jastar ısterı jönındegı basqarmasy basşysynyŋ mındetın atqaruşy M.Şotanov jürgızdı. Is-şaraǧa etnomädeni bırlestıkterdıŋ töraǧalary men ökılderı, QHA janyndaǧy qoǧamdyq qūrylymdardyŋ (Qoǧamdyq kelısım, Analar keŋesterı, Mediasiia keŋesı, «Jaŋǧyru joly» jastar qozǧalysy, ǧylymi-sarapşylyq top) jetekşılerı men Qoǧamdyq kelısım» KMM-nıŋ qyzmetkerlerı qatysty.
Al «XIII legion» salauatty ömır saltyn qalyptastyru ortalyǧynyŋ jetekşısı, volonter Timur Şaidullin, qalalyq slavian etnomädeni bırlestıgınıŋ müşesı, «Jusan» bankınıŋ bölım basşysy Iýliia Drobiazko, tatar-başqūrt etnomädeni bırlestıgınıŋ töraiymy Asia Mūhamedova, qalalyq Qazaqstan halqy Assambleiasy janyndaǧy mediasiia keŋesınıŋ töraiymy Laura Aqşegırova jäne pauerlifting boiynşa 7 dürkın älem chempiony Kseniia Han qasterlı täuelsızdıgımız turaly tūşymdy oilaryn ortaǧa saldy.
Azamat JAPPAR, Foto – Serık QOSAEV.
