Şymkenttegı qalalyq №1 klinikalyq auruhanasynda Täuelsızdık mekeresı qarsaŋynda AQŞ-tan äkelıngen kompiuterlık tomografiia qūrylǧysy ıske qosyldy.
Em-dom körsetu mekemesınde aşylǧan kompiuterlık tomografiia kabinetımen tanysqan şahardyŋ bas därıgerı Baqytjan Pozilov apparat insult alǧan nauqastyŋ diagnozyn der kezınde anyqtauǧa mümkındık beretının jetkızdı.
– Būl jeke investordyŋ esebınen alynǧan qūrylǧy. Qaladaǧy medisinalyq ortalyqtarda 21 kompiuterlık tomografiia bolǧan. Köbı jekemenşık medortalyqtarda ornalasqan. Al jaŋa apparat soŋǧy ülgıdegı tehnologiiamen jabdyqtalǧan. Qalalyq №1 klinikalyq auruhanasyna täulıgıne ortaşa eseppen 200-ge juyq nauqas tüsedı. Keide jedel medisinalyq kömekke jügıngen nauqastarǧa zertteu jürgızude atalǧan qūrylǧynyŋ paidasy zor. Äsırese, işemiialyq insult alǧan nauqastyŋ diagnozyn der kezınde anyqtauǧa septıgın tigızedı. El Täuelsızdıgınıŋ 30 jyldyq merekesınde osyndai qūrylǧy el igılıgıne berılıp otyr. Auruhanaǧa kelgen nauqastar kompiuterlık tomografiiaǧa tegın tüsırıledı, - dedı Baqytjan Joldasbekūly.
Jalpy, kompiuterlık tomografiia aǧzanyŋ barlyq müşelerı men jüielerıne zertteu jürgızuge mümkındık beredı. Qarama-qarsy tüsterdı qoldanyp, baǧdarlamanyŋ arnaiy paketterın qosu arqyly jürek qan tamyrlarynyŋ zaqymdanu deŋgeiın baiqauǧa, süiek tınderınıŋ mineraldy tyǧyzdyǧyn anyqtauǧa jaǧdai jasaidy.
Azamat JAPPAR, Foto Serık QOSAEV
