Şymkent qalalyq Jūmyspen qamtu jäne äleumettık qorǧau basqarmasynyŋ ūiymdastyruymen «SHANYRAQ» ortalyǧynda köpbalaly analarǧa käsıbi keŋes berıldı. Jiynǧa qalalyq Tūrǧyn üi basqarmasy, Bılım basqarmasy, Eŋbek, äleumettık qorǧau jäne köşı-qon komitetınıŋ Şymkent qalasy boiynşa departamentı jäne Densaulyq saqtau basqarmasynyŋ mamandary qatysty.
Mamandar köpbalaly analardyŋ sūraqtary men ötınışterı boiynşa keŋester berıp, zaŋ aiasynda şeşu joldaryn qarastyrdy. Sondai-aq, mümkındıgı şekteulı azamattarǧa arnalǧan äleumettık portal jäne atauly äleumettık kömekke bailanysty onlain qūjat tapsyrudyŋ tiımdılıgı men atauly äleumettık kömek turaly tüsındırme jürgızdı.
Aita ketu kerek, atauly äleumettık kömek - tabysy tömen azamattarǧa tölenetın memlekettık qarjylai qoldau. Ötınışke qūjat tapsyrǧannan keiın arnaiy qūrylǧan komissiia ötınış tapsyruşynyŋ tūrmystyq jaǧdaiyn tekserıp şeşım qabyldaidy.
Atauly äleumettık kömek aluşylardyŋ otbasylyq tabysy jan basyna şaqqandaǧy kedeilık şegı 22 535 teŋgeden tömen bolǧan jaǧdaida taǧaiyndalady. Al, jūmyssyz jürgen azamattarǧa qalalyq jūmyspen qamtu ortalyǧy tarapynan «Jūmyspen qamtudyŋ» belsendı şaralaryna qatysu ūsynyluda.
Aita keteiık basqarma tarapynan halyqqa tüsındırme jūmystaryn jürgızuge baǧyttalǧan kezdesuler aldaǧy uaqytta jalǧasyn tappaq.
