Şymkentte jyl basynan berı äleumettık qyzmet körsetu jüiesın jetıldıru maqsatynda Äleumettık qyzmetter portaly jūmys ısteidı. Bügınde äleumettık portal arqyly mümkındıgı şekteulı azamattar qyzmettıŋ 55 türın onlain türde aluǧa mümkındıgı bar.
Osy oraida, qalalyq Jūmyspen qamtu jäne äleumettık qorǧau basqarmasyna qarasty «Halyqqa äleumettık qyzmet körsetetın qalalyq aumaqtyq ortalyǧy» mümkındıgı şekteulı azamattarǧa üide otyryp, äleumettık portal arqyly qūjattardy räsımdeudı, EGOV-qa kırıp bron jasaudy, tırkeludı jäne Facebook pen VK äleumettık jüielerıne kırıp, qoldanudy üiretude.
Aita keteiık, kömek türıne tapsyrys beru körsetıletın qyzmettı aluşynyŋ elektrondyq sifrlyq qoltaŋbasymen rastau arqyly jüzege asyrylady. Oŋaltu qūraldary protezdık-ortopediialyq, surdotehnikalyq, tiflotehnikalyq jäne gigienalyq qūraldarmen sondai-aq, kreslo-arbalar beru qarastyrylǧan. Berılgen tapsyrys boiynşa oŋaltu tehnikalyq qūraldary üige deiın jetkızılıp berıledı.
