Şymkent qalasyndaǧy onkologiialyq ortalyqta qaterlı ısık auruyn erte satysynda anyqtau maqsatynda skrining tekserulerı sapaly ärı tyŋ ädıspen jürgızılude.
Jatyrdaǧy ısıktı erte anyqtau üşın ortalyqtaǧy sito-gistologiialyq zerthanada jan-jaqty tekserılıp, nauqastan alynǧan synamaǧa tolyq taldau jasalady.
Sito-gistologiialyq zerthanadaǧy synamalardy daiyndau jūmystary bırneşe kezeŋnen tūrady. Eŋ aldymen skriningke kelgen äielder emhanadaǧy tekseru kabinetınen ötıp, jatyr moinynan jaǧyndy alynady. Ony medisina mamandary arnaiy konteinerge salyp, onkologiialyq ortalyqtaǧy sito-gistologiialyq zerthanaǧa jetkızedı.
Sito-gistologiialyq zerthanadaǧy avtomattandyrǧylǧan apparattyŋ kömegımen medisina mamandary jaǧyndyny 1,5 saǧat ışınde öŋdep, qajet analizdı daiyndap şyǧarady.
Sito-gistologiialyq zerthananyŋ meŋgeruşısı Tatiana Tihonovanyŋ aituynşa, analizge sitologiia ädısımen skriningke qabyldanǧan sätten bastap, preparatty qarauǧa beruge deiın 1,5 saǧat uaqyt ketedı.
– Sitologiiany zertteudıŋ bırınşı kezeŋınde bız emhana mamandarynan analizderdı qabyldap, tütıktegı synamalardy arnaiy seriialyq nömırmen ret-retımen belgılep şyǧamyz. Sodan keiın tütıktegı materialdardy apparatqa ornalastyryp, şaiqap şyǧaramyz. Kelesı kezeŋde tütıkşedegı sūiyq zatty taǧy apparatqa ornalastyryp, tütıktıŋ tübıne tüskenge deiın daiyndalady. Tütıktıŋ tübıne tüsken būl tromb sūiyq küige tüsıp, tütık negızgı apparatqa ornalastyrylady. Onda kompiuterdıŋ kömegımen avtomattandyrylǧan baǧdarlama arqyly jasuşalyq materialdarǧa äinekke boiau jaǧu prosesı bastalady. Belgılı bır uaqyttan keiın qūrylǧy äinektı özı boiap şyǧady. Sodan keiın äinekte boialyp şyqqan synamany mikroskop arqyly körıp, ısıktıŋ bar-joǧyn anyqtaimyz, – deidı sito-gistologiialyq zerthananyŋ meŋgeruşısı.
Zerthana meŋgeruşısınıŋ sözınşe, sitologiialyq tekseru qaterlı ısık auruyn ǧana emes, ginekologiialyq patologiiadaǧy barlyq auru türın erte satysynda anyqtap bere alady.
Aita ketsek, bügınde Şymkent qalasyndaǧy medisinalyq ūiymdar sifrlandyru jüiesıne köştı. Zerthanalyq jūmystar, därıgerlerdıŋ qyzmetın baǧalau, emdeu ädısterı jäne taǧy basqalar, aqparattyq tehnologiialar negızınde jūmys ısteude.
