Shymkent qalasynyń dene shynyqtyrý jáne sport basqarmasy men Ortalyq Azııa Innovaııalyq Ýnıversıtetiniń, Akademık Mardan Saparbaev ınstıtýtynyń uıymdastyrýymen Shymkent qalasynda Qazaqstan Respýblıkasynyń Tuńǵysh Prezıdenti kúnine Asanbaı Asqarov atyndaǵy Dendro saıabaqta 1-jeltoqsan kúni saǵat 11:00-de velo sherý uıymdastyrylady.
Is-shara 24.KZ telearnasy arqyly tikeleı efırde Qazaqstan Respýblıkasynyń Mádenıet jáne sport mınıstri Raıymqulova Aqtoty Rahmetollaqyzynyń sózimen bastaý alyp, Shymkent qalasynyń dene shynyqtyrý jáne sport basqarmasy basshysynyń orynbasary Ermek Amanjolulynyń velo sherý qatysýshylaryn 1 jeltoqsan - Qazaqstan Respýblıkasynyń Tuńǵysh Prezıdenti kúnimen quttyqtap, merekeniń mańyzyna toqtalýymen jalǵasady.
Tuńǵysh Prezıdenti kúnine uıymdastyrylatyn velo sherýdiń maqsaty turǵyndarǵa salaýatty ómir saltyn nasıhattaý bolyp tabylady.
Velo sherýge qala turǵyndary men stýdent jastar (qosa alǵanda 100-den asa adam) qatysady. Qatysýshylar 5 shaqyrym qashyqtyqta velo jolaqty júrip ótedi.
Is-sharada velosıped sportynan qalanyń jetekshi sportshylary men jattyqtyrýshylary sheberlik sabaqtaryn kórsetip, qaýipsizdik sharalaryna toqtalady. Osylaısha ataýly sporttyq is-shara bastaý alady.
