Şymkent qalasy äkımınıŋ orynbasary Maqsūt İsahov Litvanyŋ Almatydaǧy Bas konsuly Keruşauskas Gvidaspen kezdestı.
Taraptar ekı el arasyndaǧy sauda-ekonomikalyq bailanys pen investisiialyq yntamaqtastyqty arttyru mäselesı men mädeni-gumanitarlyq bailanysty nyǧaitu jaiyn talqylady.
Maqsūt Pernebaiūly qalanyŋ damu qarqynyna toqtalyp, Şymkent - Respublikanyŋ eŋ ırı önerkäsıptık jäne sauda ortalyqtarynyŋ bırı bolyp tabylatynyn aityp öttı.
«Bızdıŋ basty maqsatymyz – qalany ömır süruge qolaily etıp, käsıp aşuǧa yŋǧaily jaǧdai jasau. Mūndai jetıstıkke jetu üşın, bız investisiialyq qoǧamdastyqtarmen bırlese jūmys ısteudı jalǧastyra bermekpız. Ekıjaqty bırıkken jūmystardyŋ nätijesınde Qazaqstan men Litva arasynda biznes jobalar sättı ıske asaryna senemın», - dedı äkım orynbasary.
Kezdesu soŋynda Maqsūt İsahov litvalyq kompaniialardy turizm, transport jäne logistika, aqparattyq tehnologiialar jäne maşina qūrastyru syndy salalarǧa investisiia saluǧa şaqyrdy. Bügınde Şymkent qalasynyŋ investorlary üşın ūzaq jylǧa jalǧa alu üşın jer tegın berıledı. Sondai-aq, daiyn infraqūrylym men kommunaldyq qyzmetter üşın eŋ tömengı tarifter ūsynylǧan.
Jalpy, Litva Respublikasy Qazaqstannyŋ eŋ ırı 10 sauda serıktesterınıŋ qataryna engen. Al, Qazaqstan Litvanyŋ eŋ ırı 15 sauda serıktesterınıŋ tızımınde. Aita keteiık, Qazaqstan men Litva arasyndaǧy diplomatiialyq qarym-qatynas eŋ alǧaş 1992 jyldyŋ 15 mausymynda ornaǧan.
Şymkent qalasy äkımdıgınıŋ baspasöz qyzmetı
