«Şymkent jürek ortalyǧy» mekemesınde jürektıŋ sol jaq qarynşasynyŋ qyzmetın jaqsartu üşın mehanikalyq qoldau qūrylǧysyn implantasiialau boiynşa kezektı şeberlık saǧaty ötude.
Atalǧan şeberlık saǧatyn «Ūlttyq ǧylymi kardiohirurgiialyq ortalyǧy» KEAQ jäne «Şymkent jürek ortalyǧynyŋ» kardiohirurgtary men kardiologtary bırlese ūiymdastyryp otyr.
«Şymkent jürek ortalyǧy» bügınde jürek-qan tamyrlary aurularyn emdeudıŋ innovasiialyq ädısterın engızu, mamandar daiarlau jäne oqytu ortalyǧyna ainaldy. Qazırgı taŋda Şymkent qalasynda da sozylmaly jürek jetıspeuşılıgın emdeudıŋ hirurgiialyq ädısterın engızu qolǧa alynyp otyr. Būǧan deiın atalǧan ota türı tek Nūr-Sūltan qalasynda jasalatyn.
2018 jyldan bastap elımızde sozylmaly jürek jetıspeuşılıgın emdeu boiynşa Jol kartasy baǧdarlamasy ıske qosyldy. Onyŋ şeŋberınde öŋırlerde sozylmaly jürek aurularyn emdeu kabinetterın aşu közdelgen.
Şymkent qalasy äkımdıgınıŋ baspasöz qyzmetı
