Bügın Şymkent qalasy Qaratau audanynıŋ äkımı Abzal Älıqūlov «Instagram» paraqşasynda ötken tıkelei efirde jyl basynan berı atqarylǧan jūmystardy baiandady. Audan äkımı infraqūrylymmen qamtu turaly aitty.
Audan aumaǧynda 24 şaǧynaudan men eldı meken ornalasqan. Ondaǧy negızgı özektı mäselenıŋ bırı – infraqūrylym. Bügınde 7 eldı meken auyz sumen, 7 eldı meken elektr jaryǧy, 2 eldı meken tabiǧi gazben qamtylmaǧan.
A.Älıqūlov öz baiandamasynda biyl Tassai, Tūran, Dostyq, Azat, Asar-2, ş/a men Dostyq tūrǧyn alabynda sapaly su tartu üşın qūrylystyŋ aiaqtalǧanyn jäne bügınde abonentteu jūmysy jürgızılıp jatqanyn aitty. Nūrtas ş/a qūrylys 2022 jylǧa ötpelı. Al, Qainar būlaq tūrǧyn alabynda jobalau jūmysy jasalynuda.
Elektr quatymen qamtuda bırqatar jūmystar atqarylǧan. Tūran, Tassai, Dostyq, Asar-2 ş/a qūrylys aiaqtalǧan. Qainar būlaq tūrǧyn alabyna elektr quatyn jetkızu keler jylǧa ötpelı. Qūrylysy aiaqtalǧan eldı mekenderge jaryq berılse qamtu körsetkışı 93 % qūraidy, al 2022 jyly 100 paiyzǧa jetpek.
Audan halqynyŋ 72,8% tabiǧi gazben qamtylǧan. Biyl Qainar būlaq tūrǧyn alaby üşın magistraldy qūbyr tartyldy. Bügınde tūrǧyn alap pen saiajaidyŋ ışkı jüiesın jürgızu üşın jobalau jūmysy jürgızılude. Sonymen bırge, Dostyq, Asar-2, Azat ş/a ışkı jüielerınıŋ qūrylysy aiaqtalyp otyr.
Biyl audandaǧy 15 eldı mekende 54,4 şaqyrymdy qūraityn 38 köşege ortaşa jöndeu jūmystary atqarylsa, 34,7 şaqyrymdy 37 köşege jöndeu jūmystary jürgızılude.
Efir barysynda audan äkımı tūrǧyndar joldaǧan 50-ge juyq sūraqqa jauap berdı. Sūraqtardyŋ denı infraqūrylym töŋıregınde boldy.
Şymkent qalasy äkımdıgınıŋ baspasöz qyzmetı
