Memleket basşysynyŋ Joldauynda öŋırlerdı damytudyŋ ūlttyq jobasy aiasynda bes jyl ışınde halyqty 100 paiyz taza auyz sumen qamtamasyz etudı tapsyrǧan bolatyn. Būl körsetkışke qol jetkızu maqsatynda Şymkent qalasynda auqymdy jūmystar atqarylyp otyr.
Atap aitqanda biyl qaladaǧy eldı mekenderge auyz su tartu üşın 14 nysannyŋ qūrylysy jürgızıldı. Bügınde bırqatar eldımekende jūmys aiaqtalyp, tūrǧyndar tırşılık närıne qol jetkızdı.
Sondai eldımekenderdıŋ bırı - Saule şaǧynaudanynyŋ jaŋaqūrylys aumaǧynda ornalasqan 276 oram.
Bügınge deiın sudy kestemen paidalanyp kelgen tūrǧyndardyŋ mäselesı tübegeilı şeşımın tapty. Ondaǧy 1 228 abonent üzdıksız memlekettık jüiedegı sudy tūtynatyn boldy.
Merdıger mekeme «AGAT» tarapynan qūrylys 2021 jyldyŋ mausym aiynda bastalǧan bolatyn. Qazırgı taŋda 54,9 şaqyrym su qūbyry tartyldy.
Juyrda Asar-2, Aqtas, Jaŋatalap, Yntymaq-2 jäne Tūran şaǧynaudandarynda da auyz su mäselesı şeşımın tapty.
Jyl soŋyna deiın qala tūrǧyndaryn sumen qamtu körsetkışı 98 paiyzǧa jetpek.
Şymkent qalasy äkımdıgınıŋ baspasöz qyzmetı
