Bügın Täuelsızdıktıŋ 30 jyldyq mereitoiyna orai Memleket basşysy Qasym-Jomart Toqaevtyŋ qatysuymen QR Prezidentınıŋ 2021 jylǧy «Altyn sapa» jäne «Paryz» syilyqtarynyŋ jeŋımpazdaryn marapattauǧa arnalǧan saltanatty räsım öttı.
Şaraǧa beinekonferensiia bailanysy arqyly Şymkent qalasynyŋ äkımı Mūrat Äitenov, Şymkent qalasy Käsıpkerler palatasynyŋ direktory N.Qabyştaev pen jergılıktı käsıpkerler jäne sala basşylary qatysty.
Elımızde «Altyn sapa» baiqauy 15 jyldan berı tūraqty ötkızılıp keledı. Bügınge deiın 150-den astam kompaniia Prezident syilyǧynyŋ iegerı atanǧan. Syilyq jyl saiyn tört nominasiia boiynşa üş sanatta taǧaiyndalady.
Būǧan deiıngı baiqaularda Şymkent qalasyndaǧy 7 kompaniia «Altyn sapa» syilyǧyn alǧan. Biyl megapolisten baiqauǧa qatysuǧa 11 kompaniia ötınış bıldırdı. Onyŋ ışınde «Öndırıstık maqsattaǧy üzdık käsıporyn» nominasiiasy boiynşa 6 käsıporyn, «Qyzmet körsetetın üzdık käsıporyn» nominasiiasy boiynşa 2 käsıporyn, «Halyq tūtynatyn tauarlardy şyǧaratyn üzdık käsıporyn» nominasiiasy boiynşa 2 käsıporyn, «Azyq-tülık tauarlaryn nemese auyl şaruaşylyǧy önımderın şyǧaratyn üzdık käsıporyn» baǧytynda 1 käsıporyn bar.
QR Prezidentınıŋ «Altyn sapa» arnaiy syilyǧyn Şymkent qalasynan «EkoFarm İnterneişnl» JŞS-gı aldy. Medisina būiymdaryn şyǧaratyn käsıporyn «Halyq üşın tauarlar şyǧaratyn üzdık käsıporyndar» nominasiiasynyŋ jeŋımpazy atandy. Būl megapolistegı tūtynuşyǧa sapaly önım ūsyna alatyn serıktestıkterdıŋ bırı.
Käsıporyn jylyna 140 mln. dana medisinalyq būiymdar şyǧaruǧa qauqarly. Onyŋ ışınde jylyna 60 mln. dana bır rettık sterildı vakuumdyq probirkalar, 40 mln. danadan astam medisinalyq bır rettık sterildı ekı jaqty ineler jäne 40 mln. dana ine ūstaǧyştar bar. Kompaniianyŋ aldaǧy josparynda önımderdı Resei, Ukraina men Özbekstan naryǧyna şyǧarudy közdeidı.
Atalǧan şara barysynda «Ūly dala elı» syilyǧynyŋ jeŋımpazdary da anyqtaldy. Būl syilyqty Şymkent qalasyndaǧy jihaz şyǧaratyn «Mega Smart» JŞS aldy. Al, «Aru Ana» gran-priın Şymkent qalasy Isker äielder keŋesınıŋ töraiymy Alma Arhabaeva ielendı.
Şymkent qalasy äkımdıgınıŋ baspasöz qyzmetı
