Bügın 1 qazan - Halyqaralyq qarttar künı. Osyǧan orai Şymkent qalasynyŋ äkımı Mūrat Äitenov qalalyq ardagerler keŋesınıŋ töraǧasy Kenjehan Tölebaevpen bırge ardagerlerdıŋ şaŋyraǧyna arnaiy baryp, olardy merekemen qūttyqtady.
Bar ǧūmyryn qajyrly eŋbek pen elınıŋ ösıp-örkendeuıne arnaǧan qarttarǧa qūrmet körsetıp, estelık syilyqtar tartu ettı.
Qala basşysy qūttyqtauyn tyl ardagerı Bolysbek Älımbekūlynyŋ şaŋyraǧynan bastady. Qariiamen äŋgımelesken Mūrat Äitenov aqsaqalǧa ūzaq ǧūmyr, myqty densaulyq tıledı.
Ardager «1941-1945 jyldardaǧy Ūly Otan soǧysyndaǧy Jeŋıske - 70, 75 jyl» merekelık medaldarymen, «Oŋtüstık Qazaqstan oblysyna sıŋırgen eŋbegı üşın» jäne «Älemnıŋ meiırımdı adamy» tösbelgılerımen marapattalǧan.
Qūttyqtau legı Şymkent qalasynyŋ qūrmettı azamaty, QR Bılım beru ısınıŋ üzdıgı Klara Älıpovanyŋ otbasynda jalǧasty. Eŋbek ardagerın mereilı merekemen qūttyqtai kelgen qala basşysy Klara Tölendıqyzyna zor densaulyq, ūzaq ömır, otbasyna baq pen bereke tıledı.
Älıpova Klara Tölendıqyzy - 1937 jyly 3 mausymda Almaty qalasynda qyzmetkerdıŋ otbasynda düniege kelgen. «Bauyrmal» syilyǧynyŋ iegerı, OQO Qūrmettı azamaty, Qazaqstan Respublikasyna airyqşa eŋbegı üşın zeinetaqysyna ie derbes zeinetker.
Öz kezegınde qazynaly qarttar da rizaşylyqtaryn jetkızıp, barşaǧa beibıt te berekelı ömır tıledı.
Şymkent qalasy äkımdıgınıŋ baspasöz qyzmetı
