Şymkentte 4 jarym myŋǧa juyq otbasy jeŋıldetılgen nesie boiynşa baspanamen qamtylady

Qazırgı taŋda Şymkent qalasynda tūrǧyn üi alu tızımınde türlı sanattar boiynşa 46 426 azamat tırkelgen. Jyl saiyn kezekte tūrǧan azamattarǧa päterler belgılengen tärtıppen ülestırılıp keledı. Arendalyq tūrǧyn üiler köpbalaly otbasylarǧa, halyqtyŋ äleumettık jaǧynan älsız toptaryna jäne jūmys ısteitın jastarǧa qarastyrylǧan. Al, biudjettık ūiym qyzmetkerlerıne «Nūrly jer» memlekettık tūrǧyn üi baǧdarlamasy aiasynda jeŋıldetılgen nesielık baǧdarlamalary ūsynyluda. Azamattardyŋ baspana mäselesın şeşu joldary bügın qala äkımınıŋ orynbasary Erǧali Bılısbekovtyŋ tūrǧyndardy onlain qabyldauynda da qarastyryldy. Qala basşysynyŋ orynbasary är tūrǧynnyŋ ötınış-talaptaryn mūqiiat tyŋdap, zaŋ aiasynda şeşu joldaryn tüsındırdı. Erǧali Däuletbekūlynyŋ aituynşa, baspanaǧa mūqtaj azamattardy qoldau retınde biyl jergılıktı biudjet esebınen tūrǧyn üi seritifikatyna 500 million teŋge bölınıp otyr. Nesielık baǧytta baspana aluǧa niet bıldırgenderge qaitarymsyz negızde bastapqy jarnaǧa 1 million teŋgeden berılude. Bügınde 132 azamat tūrǧyn üi sertifikatyn alyp ülgergen. Ötınımderdı qabyldau 1 qazannan bastap qaita bastalady. Azamattardyŋ qūjattaryn onlain qabyldau «www.kezekte.kz» saity arqyly jüzege asyrylady. Ai saiynǧy aqysyn tölep tūratyn jaldamaly päterge qaraǧanda nesiege alynǧan baspana azamattyŋ öz mülkı bolatyndyǧyn atap ötu qajet. Mäselen, qalalyq tūrǧyn üi basqarmasynyŋ mälımetınşe, jyl basynan berı «Otbasy bank» arqyly kredittık tūrǧyn üimen («5-20-25»baǧyty boiynşa) 729 azamat qamtylǧan bolsa, onyŋ 261-ı tūrǧyn üi kezegınde tırkelgender. Jyl basynan sondai-aq, «7-20-25» baǧdarlamasy boiynşa Şymkent qalasyndaǧy ekınşı deŋgeilı bankter arqyly 1362 azamat alǧaşqy tūrǧyn üidı naryqtan nesie räsımdep satyp alǧan. «2-10-20 - Baqytty otbasy» baǧdarlamasy boiynşa 158 otbasy tūrǧyn jaimen qamtamasyz etılgen. Jyl soŋyna deiın 7-20-25, 5-10-20 (Şaŋyraq), 5-20-25, 2-10-20 (Baqytty otbasy) jeŋıldetılgen kredittık tūrǧyn üilermen – 4 413 otbasyny qamtu josparlanuda.