6 qyrkúıektegi málimet boıynsha respýblıka kóleminde 302 159 respondent onlaın sanaqtan ótken. Astanalyqtar (46 480 adam) men almatylyqtardan (43 690) qalyspaı, shymkenttikter úzdik úshtikti túıindep otyr. Iaǵnı, 40 791 shymkenttik sanaq saýaldaryna jaýap berip, esepke alyndy.
Ótken aptada Ulttyq statıstıka bıýrosynyń Shymkent qalasy boıynsha departamenti mamandary megapolıstiń jergilikti atqarýshy organdary men aýmaqtyq organdar qyzmetkerlerine sanaqtan onlaın ótýge qatysty semınar ótkizdi. Dáriske 50-ge jýyq memlekettik qyzmetshi qatysyp, olarǵa sanaq paraqtaryn toltyrý jóninde túsindirý jumystary júrgizilgen.
— Jańa oqý jylynyń bastalýyna oraı, Shymkent qalalyq bilim basqarmasyna qarasty mekeme qyzmetkerlerimen Zoom baǵdarlamasy arqyly onlaın baılanys ornattyq. Aqparattyq dáriske balabaqsha, mektep, kolledjden 230-ǵa jýyq muǵalim qatysyp, onlaın sanaqtan ótýdiń qyr-syryn úırendi, - deıdi atalmysh departament basshysynyń orynbasary Janar Erejepova.
Turǵyndar sanaqtan ótý barysynda týyndaǵan saýaldar boıynsha respýblıkalyq
1446 baılanys ortalyǵymen baılanysa alady. Sondaı-aq, megapolıs turǵyndary úshin arnaıy jedel jeli uıymdastyryldy. Endi shymkenttikter kúndizgi ýaqytta 39-50-75, táýlik boıy 8-700-639-50-10 nómirlerine habarlasyp, jalpyulttyq sanaqtan onlaın ótý úshin konsýltaııalyq kómek alýǵa múmkindigi bar.
Ótken aptada Ulttyq statıstıka bıýrosynyń Shymkent qalasy boıynsha departamenti ǵımaratynda sanaqtan onlaın ótý úshin arnaıy burysh uıymdastyrylǵanyn habarlaǵan bolatynbyz. Arnaıy buryshtyń qyzmetine júzge jýyq azamat júginip, 7 qyrkúıekke deıin qujaty túgel 20 respondenttiń onlaın sanaqtan ótýine kómek kórsetilgen. Sonymen qatar, turǵyndar jıi shoǵyrlanatyn memlekettik mekemelerdiń ǵımarattary men saýda ortalyqtarynda da onlaın tirkelý buryshtary uıymdastyrylýda.
Aıta keteıik, halyq sanaǵy kezeńinde sanaq personalyna kýálik, halyq sanaǵynyń sımvolıkasy bar kók tústi sharf pen kók tústi sómke beriledi. Kýálikte ıntervıýerdiń nemese nusqaýshy-baqylaýshynyń sýreti, sonymen qatar tegi, aty, ákesiniń aty, qujattyń berilgen kúni jáne onyń jaramdylyq merzimi, aýmaqtyq statıstıka organynyń qol
