6 qyrküiektegı mälımet boiynşa respublika kölemınde 302 159 respondent onlain sanaqtan ötken. Astanalyqtar (46 480 adam) men almatylyqtardan (43 690) qalyspai, şymkenttıkter üzdık üştıktı tüiındep otyr. Iаǧni, 40 791 şymkenttık sanaq saualdaryna jauap berıp, esepke alyndy.
Ötken aptada Ūlttyq statistika biurosynyŋ Şymkent qalasy boiynşa departamentı mamandary megapolistıŋ jergılıktı atqaruşy organdary men aumaqtyq organdar qyzmetkerlerıne sanaqtan onlain ötuge qatysty seminar ötkızdı. Därıske 50-ge juyq memlekettık qyzmetşı qatysyp, olarǧa sanaq paraqtaryn toltyru jönınde tüsındıru jūmystary jürgızılgen.
— Jaŋa oqu jylynyŋ bastaluyna orai, Şymkent qalalyq bılım basqarmasyna qarasty mekeme qyzmetkerlerımen Zoom baǧdarlamasy arqyly onlain bailanys ornattyq. Aqparattyq därıske balabaqşa, mektep, kolledjden 230-ǧa juyq mūǧalım qatysyp, onlain sanaqtan ötudıŋ qyr-syryn üirendı, - deidı atalmyş departament basşysynyŋ orynbasary Janar Erejepova.
Tūrǧyndar sanaqtan ötu barysynda tuyndaǧan saualdar boiynşa respublikalyq
1446 bailanys ortalyǧymen bailanysa alady. Sondai-aq, megapolis tūrǧyndary üşın arnaiy jedel jelı ūiymdastyryldy. Endı şymkenttıkter kündızgı uaqytta 39-50-75, täulık boiy 8-700-639-50-10 nömırlerıne habarlasyp, jalpyūlttyq sanaqtan onlain ötu üşın konsultasiialyq kömek aluǧa mümkındıgı bar.
Ötken aptada Ūlttyq statistika biurosynyŋ Şymkent qalasy boiynşa departamentı ǧimaratynda sanaqtan onlain ötu üşın arnaiy būryş ūiymdastyrylǧanyn habarlaǧan bolatynbyz. Arnaiy būryştyŋ qyzmetıne jüzge juyq azamat jügınıp, 7 qyrküiekke deiın qūjaty tügel 20 respondenttıŋ onlain sanaqtan ötuıne kömek körsetılgen. Sonymen qatar, tūrǧyndar jiı şoǧyrlanatyn memlekettık mekemelerdıŋ ǧimarattary men sauda ortalyqtarynda da onlain tırkelu būryştary ūiymdastyryluda.
Aita keteiık, halyq sanaǧy kezeŋınde sanaq personalyna kuälık, halyq sanaǧynyŋ simvolikasy bar kök tüstı şarf pen kök tüstı sömke berıledı. Kuälıkte interviuerdıŋ nemese nūsqauşy-baqylauşynyŋ suretı, sonymen qatar tegı, aty, äkesınıŋ aty, qūjattyŋ berılgen künı jäne onyŋ jaramdylyq merzımı, aumaqtyq statistika organynyŋ qol
