Densaulyq jaŋalyqtary: Şymkent jastary donor boluǧa belsendılık tanytuda

Qalalyq qan ortalyǧyna būl joly tötenşe jaǧdailar departamentınıŋ qyzmetkerlerı, mädeniet salasynyŋ önerpazdary, sportşylar, mūǧalımder, ruhani jaŋǧyru ortalyǧynyŋ mamandary, joǧary jäne orta arnauly oqu oryndarynyŋ studentterı, volonterler jäne belsendı jastar, jalpy sany 100-ge juyq adam qan tapsyruǧa jinaldy. Onyŋ ışınde talapqa sai kelgen 30-dan astam adam qan tapsyryp, qan qūiudy qajet etetın nauqastarǧa kömektestı. – Jaŋa oqu jylyn igı ıspen bastaudy jön körıp, jastardy onyŋ ışınde studentterdı donorlyq aksiiaǧa şaqyryp otyrmyz. Joǧary jäne arnauly oqu oryndarynyŋ şäkırtterımen qatar, 10-ǧa juyq mekeme qyzmetkerlerı bügıngı aksiiada belsendılık tanytuda. Är üş aida osy igı şara jalǧasyn tabady. Ortalyǧymyzdyŋ bırqatar qyzmetkerı donor retınde qan tapsyrudy ädetke ainaldyrǧan. Basty maqsat – kömek qolyn sozu, - deidı Jastar resurstyq ortalyǧynyŋ direktory Erlan Aitbaev. Aita keteiık, dennıŋ saulyǧymen qosa qan tapsyru üşın bırneşe talaptar bekıtılgen. Qan tapsyruǧa 18 jasqa tolǧan, salmaǧy 55 kelıden asatyn densaulyǧynda kınäraty joq är adam donor bola alady. Sonymen qatar, 48 saǧat būryn därı-därmekter men alkogoldı önımderdı qabyldamau jäne mümkındıgınşe temekı şekpeu kerek.