Bügın Şymkent qalasynyŋ äkımı Mūrat Äitenov karateden Tokiodaǧy jazǧy Olimpiada oiyndarynyŋ qola jüldegerlerı Darhan Asädılov pen Sofia Berulsevaǧa päter kıltın tabystady.
Sporttaǧy jeŋıster el abyroiy üşın qyzmet etetının aitqan qala äkımı Memleket basşysy jazǧy Olimpiada oiyndarynda jüldeger bolǧan qazaqstandyq sportşylardyŋ eŋbegın erekşe baǧalap memlekettık nagrada taǧaiyndaǧanyn atap öttı.
Tört jyldyqtyŋ basty bäsekesınde el ümıtın aqtaǧan Darhan Asädılov pen Sofia Berulseva «Qūrmet» ordenımen nagradtalǧan. Memlekettık nagradany QR Prezidentı Qasym-Jomart Toqaevtyŋ atynan QR Memlekettık hatşysy Qyrymbek Köşerbaev tabystaǧan bolatyn.
Mūrat Äitenov jetıstıkter arqyly karate sport türınıŋ qalada damu deŋgeiın körsetkenın aityp, osy eŋbekterı üşın qala tūrǧyndary atynan alǧys bıldırdı.
Aita keteiık, sportşylarǧa tūrǧyn üi qorynan «Nūrsat» şaǧyn audanynan 1 bölmelı päter berıldı.
Karate sporty Olimpiada oiyndaryna tūŋǧyş ret engızılgen edı. Darhan men Sofia – karate tarihynda Qazaqstannan şyqqan tūŋǧyş Olimpiada jüldegerı.
Şymkent qalasy äkımdıgınıŋ baspasöz qyzmetı
