Şymşaharda QR Täuelsızdıgınıŋ 30 jyldyǧy keŋ kölemde toilanuda

Şymşaharda QR Täuelsızdıgınıŋ 30 jyldyǧy keŋ kölemde toilanuda. Aituly jyl aiasynda qala äkımı Mūrat Äitenovtıŋ bastamasymen üş audanda jastarǧa arnalǧan ortalyqtar paidalanuǧa berıldı. Şahar basşysynyŋ qatysuymen jastar resurstyq ortalyǧynyŋ Qaratau audandyq bölımşesı saltanatty türde aşyldy. Jaŋa ortalyqpen tanysyp körgen qala äkımı Mūrat Düisenbekūly audan jastaryn zamanaui resurstyq ortalyqtyŋ aşyluymen qūttyqtady. – Respublikalyq statusqa ie bolǧaly qalamyz jan-jaqty damyp keledı. Şahardaǧy halyqtyŋ ortaşa jasy 28-dı qūraidy. Būl – Şymkenttı jastar qalasy deuge bolady degen söz. Al jastarǧa zamanaui ortalyqtar qajet. Jalpy endı mūnyŋ bärı memleketımızdıŋ jastarǧa degen qoldauy. Bügıngı jastar – elımızdıŋ ırgetasy. Solarǧa bılım beru, jaǧdai jasau, jaŋa zamanaui ortalyqtardy aşu – memleketımızdıŋ basty baǧdarlamalary, basty baǧyttary bolyp tabylady, - dedı qala äkımı. Mūnan soŋ, şahar basşysy «Qazaqstan jastar kongresı» zaŋdy tūlǧalar bırlestıgınıŋ atqaruşy direktory Toqtar Bolysovtyŋ yntymaqtastyq memorandumyna qol qoidy. Al qalalyq «Jastar resurstyq ortalyǧy» KMM-nıŋ basşysy Erlan Aitbaevtyŋ aituynşa, jastardyŋ igılıgı üşın paidalanuǧa berılıp otyrǧan ortalyq bır mezette 50-100 adamǧa deiın qyzmet körsetuge qauqarly. 5 baǧyt boiynşa jūmys jasaityn bölımşede jastarǧa qyzmet körsetuden bastap, olardyŋ arasyndaǧy talanttylaryn qoldauǧa da mümkındıkter qarastyrylǧan. Sonymen qatar, jaŋa nysanda kovorking ortalyǧy, şaǧyn kıtaphana, psihologiialyq keŋes beru bölmesı de bar. Psiholog-mediatorlar jastarmen jūmys ısteu maqsatynda arnaiy jinaqtar daiyndaǧan. Sondai-aq, mūnda qoldanystaǧy memlekettık baǧdarlamalar, jastarǧa arnalǧan mümkındıkter jäne qalada jürgızılıp jatqan reformalar, jas otbasylar arasynda ajyrasudyŋ aldyn alu, NEET sanatyndaǧy jastarmen jūmys, anonimdı psihologiialyq kömek körsetu, jastar men jastar ūiymdaryna qūqyqtyq, ädıstemelık kömek körsetu turaly keŋester ötkızıledı.