Shymshahardaǵy bilim berý mekemelerinde el Táýelsizdiginiń 30 jyldyǵyna arnalǵan «Táýelsizdik jetistikteri» taqyrybynda ashyq sabaqtar jalǵasýda. Shymkent qalasy hımııa-bıologııa baǵytyndaǵy Nazarbaev zııatkerlik mektebindegi oqýshylar arasynda da táýelsizdik uǵymy nasıhattalyp, onyń tarıhı alǵysharttary men saıası kórinisi túsindirildi.
Mektep dırektory Qaıyrbek Sábıtulynyń aıtýynsha, qyrkúıek aıyna josparlanǵan «Táýelsizdik jetistikteri» taqyrybyndaǵy ashyq sabaqty qytaılyq áriptesterimen de onlaın ótkizbek. Bul tárbıe saǵaty «Nazarbaev Zııatkerlik mektepteri» derbes bilim berý uıymynyń «Qazirgi álemdegi Qazaqstan» avtorlyq baǵdarlamasy negizinde ázirlengen.
Is-sharany qaladaǵy jetekshi 30 mekteptiń 900 oqýshysy hımııa-bıologııa baǵytyndaǵy Nazarbaev Zııatkerlik mektebiniń YouTube arnasy arqyly taraǵan tikeleı translıaııadan tamashalady. Sabaq barysynda 1991 jyldan bastap búgingi kúnge deıingi mańyzdy hronologııalyq kezeńder túsindirildi.
– Jobanyń basty maqsaty – oqýshylarǵa táýelsizdiktiń 30 jyldyq mereıtoıynyń mańyzdylyǵyn jáne Qazaqstannyń Tuńǵysh Prezıdenti – Elbasy Nursultan Nazarbaevtyń táýelsiz memlekettiń qalyptasýy men damýyndaǵy eńbegin jetkizý. Nazarbaev Zııatkerlik mektepteri – táýelsizdik tartý etken úlken syı. Munda qanshama balanyń arman-qııaly shyndyqqa aınalyp, bıik shyńdardy baǵyndyrýda. Bıyl mektebimizde Qazaqstan Respýblıkasynyń tuńǵysh Prezıdenti - Elbasynyń «Órken» bilim grantyn 145 úmitker ıelenip, 7-synypqa oqýǵa qabyldandy. Ozyq oıly shákirtterimizdiń jarqyn jetistikterimen aldaǵy jyldary elimizdiń barlyq salasy damıdy degen úmittemiz, - deıdi Qaıyrbek Býksýkbaev.
Ashyq sabaqqa qatysqan Qarataý aýdany ákiminiń orynbasary Erlan Beknazarov Qazaqstannyń ekonomıkalyq damýy, el táýelsizdiginiń róli men halyqaralyq arenadaǵy jetistikteri týraly oqýshylarǵa óz oıyn aıtsa, aıtysker aqyn Abylaı Qultaı táýelsizdiktiń qurdasy ekenin qara óleńmen jetkizdi.
