Şahardyŋ bas därıgerı Baqytjan Pozilov: 13 infeksiialyq stasionar jabyldy

Şahardyŋ bas därıgerı Baqytjan Pozilovtyŋ mälımdeuınşe, qalada koronavirus ındetıne qatysty epidemiologiialyq ahual tūraqtala bastady. 16 qyrküiektegı statistika boiynşa megapoliste 122 adamnan KVİ anyqtalǧan. Būǧan deiın qaladaǧy täulıktık norma 450-500-dıŋ şamasynda bolatyn. – Jahandy jailaǧan ındetpen kürestıŋ eŋ tiımdı de dūrys joly – oǧan qarsy jappai ekpe saldyru, ūjymdyq immunitettı qalyptastyru. Būl – älem moiyndaǧan şeşım, ony Memleket basşysy Qasym-Jomart Toqaev ta şegelep aityp keledı. Densaulyq saqtau ministrlıgı aldynda qyrküiek aiyna deiın elımızdıŋ 10 million azamatyn ındetke qarsy vaksinalau jospary qoiylǧan bolatyn. Bügınde el tūrǧyndarynyŋ 60 paiyzy ekpe saldyrdy. Qalamyzda vaksinasiialau körsetkışı 86 paiyzdan asty. Şymşaharda bügınde koronavirus infeksiiasyna qarsy vaksinalau boiynşa 40-tan astam beket jūmys ıstep tūr. Şahardaǧy barlyq emhanada kovidke qarsy vaksinalau odan ärı jalǧasyn tabuda. Ekpe alu beketterı senbı-jeksenbı künderı saǧat 08:00-20:00 aralyǧynda jūmys ısteidı. Vaksinalar jetkılıktı. Maqsatymyz – tūrǧyndardy 100 paiyz vaksinasiialau, - deidı B.Pozilov. Qazırgı taŋda COVID-19 ındetımen tırkelgender sany azaiyp keledı. Şymşahar boiynşa tūraqty türde jalpy 4350 infeksiialyq, karantindık jäne reanimasiialyq tösek-oryn ūiymdastyrylǧan. Koronavirustyq infeksiianyŋ ärtürlı ssenariiıne bailanysty infeksiialyq tösek-oryn sanyn 5 myŋǧa deiın ūlǧaituǧa mümkındık bar. Degenmen Şymkentte ındetke şaldyqqandar kün saiyn azaiyp keledı. Sonyŋ dälelı qaladaǧy provizorlyq stasionarlardaǧy tösek-oryndardyŋ 50 paiyzdan astamy bosady. Naqtyraq aitqanda, 4 350 tösek orynnan 2 397-ı qysqarǧan. – Bügınge deiın qalada 25 infeksiialyq stasionar jūmys ıstedı. Epidemiologiialyq jaǧdaidyŋ tūraqtaluyna bailanysty būl emdeu ortalyqtarynyŋ 13-ı jabyldy. Medisinalyq mekemeler qazır qalypty jūmys rejimıne köşude. Iаǧni, nauqastar josparly türde būrynǧydai em qabyldai alady. Qazırgı taŋǧa mamandandyrylǧan infeksiialyq stasionarlarda barlyǧynda 1 953 oryn bar. Tösek oryn tolymdyǧy 36 paiyzdy qūraidy,- dedı B.Pozilov. Şymkent kovidke qarsy vaksinasiialau boiynşa 86, 8 % körsetkışpen 2-orynda tūr. Soŋǧy täulıkte qalada 6839 adam vaksina aldy (I komponent-4721, II komponent-2118). Egu nauqany bastalǧaly barlyǧy 472 655 adam vaksinasiialandy. Onyŋ ışınde 390 480 adam vaksinanyŋ ekı komponentın qabyldady. Därıgerlerımızdıŋ tynymsyz eŋbegı men vaksinasiialaudyŋ nätijesınde epidemiologiialyq jaǧdai tūraqtalyp keledı. Şahardyŋ bas därıgerı vaksinasiialauda älı de halyq arasynda alypqaşpa äŋgımeler bar ekenın jasyrmady. Öz kezegınde Baqytjan Joldasbekūly oquşylarǧa qatysty vaksina turaly qauesetke senbeuge şaqyrdy. – Küz kelıp, oquşylar mektepke oraldy. Dese de, ata-ana köŋılı küptı. Öitkenı, ırgedegı ındet kärıge de, jasqa da qarap jatqan joq. Qazırgı uaqytta mektepterde kovidke qarsy vaksina saldyryp jatyr dep şu şyǧarǧan bır top ata-anaǧa tüsındıru jūmystaryn jürgızdık. Elımızde 18 jastan asqan adamdarǧa ekpe salynyp jatqanyn aita keteiın. Balalar vaksinasy turaly naqty bır şeşım qabyldanǧan joq. Bıraq oquşylar arasynda ındettı jūqtyru deregı bar. Būl balalar auyrmaidy degen söz emes. Jalpy, tūrǧyndardan arandatuǧa ermeuge şaqyramyn. Jalǧan aqparatty taratqany üşın qylmystyq jauapkerşılık qarastyrylǧanyn ūmytpaǧan jön, - deidı ol. «Bırınşı bailyq – densaulyq» ekendıgın bügınde adamzat balasy jaqsy tüsınedı. Adamnyŋ altynǧa aiyrbastamas qūndylyǧy sanalatyn saulyqtyŋ qadırın auyrmai tūryp bılgenge ne jetsın? Indetke qatysty qauıp älı de seiılgen joq, arqany keŋge saluǧa bolmaidy. Būl turaly Memleket basşysy kezektı joldauynda: «Aldaǧy uaqytta älemde koronavirustyŋ jaŋa ştamdary şyǧuy mümkın. Sarapşylar basqa da ındetter paida bolatynyn aituda. Bız onyŋ qaşan bolatynyn kütıp, qarap otyra almaimyz. Osyndai jaǧdaida ömır sürıp, ärı qarai damuǧa beiımdeluımız kerek» degen bolatyn. Būl rette auyryp em ızdegenşe, auyrmaudyŋ jolyn ızdegenımız dūrys bolar.